和光鐵板燒日本料理 (已結業)

話說星期六果日食lunch,打算去試呢間既鐵板2人餐($238),megabox不嬲都少人行架啦,見佢間舖都好似冇人咁,應該唔使等,同個接待員話2位食鐵板,佢就係咁游說我地食和菜,但黎呢間野都係想食鐵板,之後佢就話如果食鐵板要等好耐,心諗:星期六lunch等極都有個譜,照等,之後原來係唔使等位,佢意思係話等個師傅整d野食要好耐,入到去,安排左我地坐一張10人台圍住一個鐵板燒師傅,坐左6個人加埋我地,total 3台客,有4個位係吉既,個女經理就黑口黑面走過黎同個接待員係我地後面大大聲話做咩俾我地入黎,一個師傅做唔哂3台客,心諗:咁你就唔好放10個位係樹啦....人地旺角間和井,2個師傅搞掂10台客都有餘啦,之後點餐前個接待員仲要係我地面前同個師傅講"師傅你慢慢整得架喇,我同呢位小姐講要等好耐,佢話等得喎,你慢慢啦"...係咪明玩野...到真係點餐,以防佢地玩野,我地問明食完一個餐大約要幾耐...個接待員冇答我地,仲不斷游說我地食和菜,仲話和菜冇人食,唔使等,冇人食喎,我地更加唔會食啦~之後結果佢又唔答我地要食幾耐又冇真正俾我地落過order叫餐,我地想黎食野姐,唔係黎受氣,所以決定走,