茜廊餐廳 (德福廣場1期)

營業中

休息中

前幾日喺九龍灣同朋友食咗茜廊，主打西餐同鐵板餐，成間餐廳感覺幾輕鬆，服務親切，坐得舒服，餐廳生意都唔錯，入座率都有九成。鐵板特級肉眼配薯菜，如果要鐵板上枱就要$168，普通碟上只係$98。我叫咗鐵板嗰款，想要熱辣辣嘅感覺。肉眼扒上枱嗰陣真係仲 sizzling 緊，香氣十足。扒本身都算厚切，肉質幾嫩，唔會太韌，叫咗五成熟，切開都見到粉嫩粉嫩，入口有肉汁，配埋個黑椒汁好惹味。朋友叫咗普通碟上嗰款，基本上一樣材料，但冇咗鐵板嗰種熱辣感覺，不過平成$70，其實都幾抵食。法式焗田螺，一碟有六粒，焗到啲蒜蓉牛油香味好出，田螺唔會太細粒，入口滑，幾正。所有套餐都跟餐湯，蒜蓉包同飲品。羅宋湯好開胃，蒜蓉包夠香脆椰乳雪糕紅豆冰雲呢拿雪糕幾香滑，配埋紅豆，食落唔會太甜，食完熱辣辣嘅嘢之後嚟個冰凍紅豆冰真係好正。