亞萊泰 (淘大商場3期) (已結業)

喺九龍灣想食泰國菜？亞萊泰係一個唔錯嘅選擇 。店舖燈光光猛，環境企理，同朋友傾計食飯呢道係一個幾好嘅地方！今次同朋友兩個人食叫咗三樣餸。 第一樣係招牌海中寶 ！呢個餸好特別呀，焗好嘅麵包入面放左咖哩，個包入面仲有好多唔同種類嘅海鮮，例如有青口，魷魚，蝦同埋魚等等，份量十足好豐富！ 另外仲有一碗另上嘅咖哩汁，真係唔驚個包會唔夠汁點㗎！ 超鍾意呢個餸呀！！食過返尋味呢另外仲叫咗個菠蘿炒飯，個飯炒得好香吖，配料都十分充足，好夠份量！值得一讚！最後就係串燒。兩雞兩豬，份量啱曬兩個朋友share 個串燒燒得好香，配埋沙嗲汁簡直perfect！！