店舖用左開放式廚房，坐吧枱可以睇住師傅即煎漢堡排，滋滋聲好治癒！
點左漢堡排三重奏套餐，試哂3款味！
套餐上枱好整齊，漢堡逐件放喺前面既鐵板加煎，仲有西蘭花！
跟埋上埋日本米飯、味噌湯，仲可以任添，大胃王都夠飽！
🍛 3件漢堡排套餐（青咖喱+原味+芝士）
· 青咖喱（微辣）：呢個係期間限定，幾有驚喜！
微辣青咖喱香得嚟唔會蓋過肉味，仲有菠蘿粒同香草醬，帶點南洋風，開胃唔膩。
· 原味：簡單煎到外層微脆，切開有肉汁滲出，食到和牛同美國牛混合嘅濃郁肉香，配燒肉汁或者洋蔥汁都好夾。
· 芝士：芝士控必點！
漢堡排上面鋪上芝士，師傅仲會即席刨多層芝士碎，撈飯食真係邪惡到極點～
🥩 3件和牛漢堡排套餐
和牛版本油香更突出，入口軟嫩，肉汁豐富。可以自己控制熟度，鍾意生啲熟啲都得，體驗幾好！
🍚 白飯、湯、蔬菜任添
最抵讚係白飯係日本新潟米，米粒飽滿。
原味漢堡撈埋醬油蛋黃，真係要添飯吖！！
味噌湯仲有肉丸同菇菌，好暖胃😻
