我武者羅 (已結業)

九龍灣工業區終於有拉麵食啦。先講環境，樓面佔地算大，而每張枱之間空位亦足夠，每張凳亦都有位置可以存放物品，算係非常舒適。拉麵款式唔算多，只係有三款湯底，配有叉燒、溏心蛋或者紫菜。今次試咗碗辣拉麵（紅蓮辣浪豚骨拉麵），加咗洋蔥碎、炸蒜頭嘅關係，令到味道更加香濃。湯底包含著一種鮮味，唔係一味得個辣字，亦都唔會食完之後令人好口渴，算係值得一試嘅拉麵。溏心蛋亦出色，外爽內軟口感佳。更加驚喜嘅係，原來每叫一碗拉麵都會送一支冰凍嘅樽裝忌廉或者可樂，更加值回票價。