影片
主打生姜醬油湯底，店員稱湯底加入大量豚骨雞骨同魚干每日煲8-9個鐘，加上店家自家調制醬油，湯底帶著濃厚醬油同生姜味，入口香濃而不油膩，麵條係中細麵，爽口夠滑，叉燒亦做得好嫩滑而且入味，玉子亦流心，整體碗麵真係唔錯，最重要係店家強調全部材料係用日本飛機貨(湯骨，麵條，叉燒，玉子)，一碗絕對抵食嘅高質素拉麵。
繼續閱讀
同同事嚟試呢間位於九龍灣嘅「我武者羅」拉麵，佢有特色嘅生姜醬油湯底，喺其他拉麵店較少食到，值得一試!生姜湯底有兩款，一款係塩生姜，一款係生姜醬油塩生姜湯底較淡，姜味唔太濃，適合比較鍾意清淡嘅人。生姜醬油姜味較濃，亦較咸，麵條較粗，唔錯!豚骨湯底味道夠濃，麵條較幼，但幾好咬口。值得一提嘅係佢嘅生姜湯底同豚骨湯底配搭咗唔同種嘅叉燒，厚薄唔一樣，但都係肥瘦層次分明，口感非常好，仲有三塊咁多，好味!另外佢嘅溫泉蛋都非常出色，流心蛋黃非常好味!除咗麵之外，可另加小吃，我哋叫咗個餃子，味道一般。仲有係而家做緊優惠，每個拉麵都有一支汽水送呢！
繼續閱讀
九龍灣工業區終於有拉麵食啦。先講環境，樓面佔地算大，而每張枱之間空位亦足夠，每張凳亦都有位置可以存放物品，算係非常舒適。拉麵款式唔算多，只係有三款湯底，配有叉燒、溏心蛋或者紫菜。今次試咗碗辣拉麵（紅蓮辣浪豚骨拉麵），加咗洋蔥碎、炸蒜頭嘅關係，令到味道更加香濃。湯底包含著一種鮮味，唔係一味得個辣字，亦都唔會食完之後令人好口渴，算係值得一試嘅拉麵。溏心蛋亦出色，外爽內軟口感佳。更加驚喜嘅係，原來每叫一碗拉麵都會送一支冰凍嘅樽裝忌廉或者可樂，更加值回票價。
繼續閱讀
今日lunch 去咗食拉麵之前雜誌都介紹過呢間叫我武者羅嘅餐廳，係新潟生薑醬油湯底聞名嘅拉麵店，九月已經開張啦，之前試過鹽湯拉麵覺得唔錯，今日捉埋同事一齊試下。今次叫咗理玉子生薑醬油拉麵。先講湯，醬油有淡淡嘅薑味，好有層次感，雖然面上有一浸油，又唔會太油膩。麵嘅軟硬度統一咗，冇得自己揀，但係煮落條條分明，幾好咬口。最出色係叉燒，紋理好靚，肥膏同肉嘅比例啱啱好，肥膏入口即溶，超好食配料仲有荀、紫菜同少少蔥，好豐富！試業期間仲送可樂一枝，食完飲返啖汽水啱啱好。同事叫咗豚骨湯底，一個辣一個唔辣，味道更出色！下次一定會再嚟！
繼續閱讀