板前壽司 (已結業)

又一城大部份食肆我都光顧過, 雖然不一定好食, 但始終是又一城, 服務態度不會太差, 直至我遇上板前...寫好飛仔落單, 一聲唔該(本人講), 都未知發生甚麼事, 黑衫女士一手搶走張飛走咗, 然後交咗俾初級侍應來覆單, 我問他為甚麼高級女士這麼無禮, 他詐作聽不到.落了單, 眼見師父仔個個未熟手, 把刀翻來翻去先切落去, 好似唔知點切. 難為其中一個師父仔仲同侍應吹水, 話自己早排考試九十分. 其中一款食物很久未到, 追到第二次柯打的東西都到齊,共追了三次, 第三次, 很生氣, 問女侍應為甚麼追了兩次都沒有下文,女侍應真可愛, 竟表示不知我追了兩次, 梗係啦,個客點會認住個侍應來追呢? 小朋友, 你係代表板前壽司, 不是代表你自己答問題!埋單了, 等了十分鐘都未找錢, 只見另一黑衫侍應跟收銀打牙鉸, 我唯有問侍應是不是不設贖, 最後生氣離場, 一句對唔住都聽唔到.九龍塘?? 仲差過旺角!可唔可以向管理公司投訴?