富寶會所私房菜

營業中

休息中

朋友介紹我哋慶祝生日食呢間，因為餐廳提供包場包房服務，有麻雀檯供娛樂用途，仲可聯絡餐廳自訂語句展示於餐廳大型屏幕比親友驚喜，於是我啲提前訂咗海鮮同包房慶祝生日。椒鹽鮑魚，鮑魚肉質鮮嫩，炸得香脆，而且唔會有腥味。椒鹽調味恰到好處，唔會太鹹或太淡，仲要唔會太油膩，而且味道好香，十分香口。蒜香安格斯牛柳粒，食材高質，安格斯牛肉質地好嫩且無渣，牛柳粒啱啱好煎，充滿肉汁。蒜香好突出，令牛肉嘅味道更加豐富。蟲草花蒸雞，雞肉好嫩，而且充滿啲蟲草花嘅香味。蟲草花係中藥材之一，有助於滋補身體同埋增強免疫力，同雲耳一齊蒸，非常好味。