有口福

營業中

休息中

今晚和友人入九龍塘搵美食，但係今日想試返港式野食多過泰國菜。於是，搵到有口福。今日嘅天氣有少少凍，原本見到小菜都吸引，但係最後見到有火鍋，就決定揀左暖暖的胡椒豬肚湯底。湯底一上，勺一碗飲落肚感覺暖暖的。湯底料都非常足，豬肚食極都有。火鍋配料方面，肥牛和豚片都是食肉獸必備的。再黎就係金針菇和芝士腸，都是友人的火鍋必備配料。炸響鈴和讚岐烏冬在火鍋尾聲都一定要加！ 響鈴和烏冬都吸收曬整鍋的精華。雖然本身都有少少爭扎究竟點小菜好定係火鍋，但係餐廳職員知道我地糾結就提議左我地打邊爐，果然，係大滿足，沒有後悔！