瀛鍋

營業中

休息中

今晚天氣轉涼，朋友提議去位於九龍城福佬村道的瀛鍋打邊爐，餐廳分上下二層，佈置乾淨闊落，還設有親子樂園區。食打邊爐先要個特色秘制鮮味卜卜蜆鍋湯底，大大隻蜆好靚，乾淨無沙，仲有粟米 、白蘿蔔 、粉絲、姜蔥芫荽等，湯清甜 好好飲。有九款調味品供食客選擇。海鮮盛盒：有蟶子、鮑魚、廣島蠔、海蝦、魚唇等，各款海鮮非常新鮮，無比鮮甜，我特別鍾意魚唇口感一流。安格斯牛肉：色澤亮麗，油脂分布呈雪花狀，肉質軟腍，食落齒夾留，令人回味。主食鮮蝦雲吞：大大只真材實料鮮蝦包餡，鮮美嫩滑多汁。韭菜肉碎餃：濃郁的韭菜同肉碎，令味道更加豐富好味。魚皮餃：夠水準。有機蔬菜，超新鮮，爽口又健康。