BTS美食站

營業中

休息中

每次揸車經過九龍城，都會俾呢隻不停招手嘅吹氣公仔吸睛，好似叫你入嚟食啦～今晚決定試下，七點嚟到餐廳，門口已經好多人等緊位。侍應話最快都要等30分鐘，因為食飯時間，一批食客啱啱坐低，所以最後決定買外賣返屋企慢慢嘆。串燒拼盤   $120串燒有 6 串: 豬、牛、雞、雞腎、泰式臘腸、雞全翼各一串。豬肉串和豬肉串燒得香口，有肉汁。牛肉略嫌肉質有啲韌，雞腎爽口。最特別係泰式臘腸串燒，因為出面比較少見，自己亦冇食過。臘腸味道帶甜，軟身。 無中式臘腸咁硬同咁油膩，有驚喜。雞全翼幾大隻，啖啖肉。沙嗲花生醬唔太杰身，花生味香，配上串燒，更加惹味。泰式咸肉炒椰菜苗   $120椰菜苗係我最愛，食泰國菜必點菜式。廚師炒得好夠鑊氣。椰菜苗炒得爽脆。咸肉脆邊，外脆內軟，而且份量都算幾多。香葉辣椒豬肉碎炒飯 (配荷包蛋)   $100炒飯炒得香口，辣得好惹味，好啱鍾意食辣嘅我，好鍾意～ 荷包蛋有點失色，略嫌煎得太熟，無左流心。