上戶酒場 (已結業)

呢排真係成日都好想食日本菜，哈哈，去咗九龍城呢間木系居酒屋－上戶酒場，坐得舒適，店員服務非常友善，菜式整體好有驚喜！野菜條伴鯷魚醬($32)一坐下店員就送上前菜，鯷魚醬絕對係highlight，充滿鹹鮮，配搭清爽嘅青瓜蘿蔔條等，出奇地配合，送酒一流！金線鯛刺身($588)呢度嘅海鮮以時令飛機貨為主，呢晚就試下日本直送嘅金線鯛刺身！金線鯛非常新鮮，魚味淡雅甘甜，肉質結實彈性。剩下嘅魚肉都唔浪費，店員會攞去炸成天婦羅，天婦羅炸得脆卜卜，唔會太厚粉，食落都有少少肉，好惹味！煙鴨胸($88)煙燻香魚($78)煙燻帆立貝($56/2串)嚟呢度點可以唔試下呢度出名嘅煙燻料理呢？雖然串燒價錢稍貴，但煙燻味道真係好突出，唔單止開蓋時聞到，連食落口都好濃烈嘅煙燻香！好正！特別推薦香魚及鴨胸，好入味！鐵板原隻龍蝦($588)龍蝦拆肉在鐵板肉質彈牙，用料新鮮，無需太多調味已經鮮味十足，加埋慷慨嘅蟹子，口感更加豐富！巨峰梳打($42)乳酸梳打($42)