有口福

營業中

休息中

平時去九龍城都係食泰菜多，呢日搵到呢間食川菜，食我至愛酸菜魚~今晚真係有口福酸菜魚招牌酸菜魚，辣度啱啱好。酸菜魚份量十足，魚片厚肉嫩滑無骨，配料有芽菜、筍同水晶粉索晒湯汁好惹味。酸菜魚味道酸中帶麻，完全無油膩感，唔覺唔覺就食晒成盤酸菜魚水煮田雞非常大隻，田雞腿啖啖肉，鮮嫩香辣，我已經好多年冇食田雞，但我見其他枱都有好多人食，見到就流口水，所以都叫一個，果然無令我失望口水雞半隻雞都好大碟呀，表面灑上花生好香脆，淋上口水汁，食落啖啖肉，皮滑肉嫩，辣得嚟有啲麻又夠香，夠曬惹味清炒萵筍絲成枱重口味，點都要加個菜食下萵筍爽脆清甜無渣