影片
更多
2020-01-09
55 瀏覽
好耐無黎九龍城，諗住行下買下泰國野咁，途中發現有間新開嘅潮州菜館，就睇下呢間啲野掂唔掂先!打開餐牌一睇，有好多款潮州菜式揀，價錢都好相宜。我地今次叫左五樣野，其中一樣係外賣拎走嘅。第一樣就係滷水拼盤，呢碟拼盤真係乜都有，平時係其他地方都未必有咁多樣野你食，而且份量又夠，性價比好高呀，滷嘅野又夠入味，唔會有個種滷過龍太鹹嘅感覺，好掂呀!緊隨其後嘅有韮菜豬紅，唔會好辣，直頭連湯汁都飲埋，豬紅同韮菜都好入味，唔怕食豬紅嘅話就十分推薦呢個。跟住豉汁炒蜆都唔錯，多肉唔會得個殼，炒得好好。我地仲叫左螄蚶，相信呢樣野唔係咁多人夠膽食，但呢個真係好正，吃個不停，店員會提供埋工具方便你開黎食。最後我地仲叫埋個反沙芋拎走，真係整得好靚。呢間下次要再食過先得!
打開餐牌一睇，有好多款潮州菜式揀，價錢都好相宜。我地今次叫左五樣野，其中一樣係外賣拎走嘅。第一樣就係滷水拼盤，呢碟拼盤真係乜都有，平時係其他地方都未必有咁多樣野你食，而且份量又夠，性價比好高呀，滷嘅野又夠入味，唔會有個種滷過龍太鹹嘅感覺，好掂呀!
緊隨其後嘅有韮菜豬紅，唔會好辣，直頭連湯汁都飲埋，豬紅同韮菜都好入味，唔怕食豬紅嘅話就十分推薦呢個。跟住豉汁炒蜆都唔錯，多肉唔會得個殼，炒得好好。
我地仲叫左螄蚶，相信呢樣野唔係咁多人夠膽食，但呢個真係好正，吃個不停，店員會提供埋工具方便你開黎食。最後我地仲叫埋個反沙芋拎走，真係整得好靚。呢間下次要再食過先得!
張貼
