南角

南角係九龍城新進駐嘅懷舊cafe☕️。由於店主想延續舊九龍嘅味道，所以裝修上大大保留左原本舊舖頭嘅面貌，例如鐵閘、吊燈、門面等等。呢度差唔多每一個角落都係打卡位，文青得黎又有老香港風情，係香港少有嘅懷舊cafe。

南角主打東南亞、港式同西式嘅fusion 輕食🥙，當中都有唔少斑斕、椰子同埋香料嘅元素，特別之餘都幾惹味，大家不妨一試😆！

------------------------------
煙三文魚忌廉芝士配酸種多士 ($58) 【8/10】

Sourdough平時就食得多，但係小編都比南角嘅酸種多士驚艷到。佢酸度適中，口感外脆內有韌勁，而且比起一般cafe厚切。三文魚嘅份量都好多，成個配搭雖然簡單，但係好好味，性價比好高🤩。

1

煙三文魚忌廉芝士配酸種多士

$58

------------------------------
法式煎多士 ($78) 【7.25/10】

多士浸左蛋漿之後再煎🍞，口感軟綿細膩，表面亦好似焦糖燉蛋一樣帶有一層焦糖薄脆。椰子雪糕尚算軟滑，不過略嫌椰子味道唔突出，而且比較快溶。

2

法式煎多士

$75

------------------------------
忌廉腐乳醬北海道帶子闊條麵 ($138) 【7.75/10】

呢個配搭聽落覺得伏，但係冇諗過又幾好味！忌廉中和咗腐乳濃烈嘅味道，同時亦都突出左腐乳獨特嘅香味。闊條麵十分掛汁彈牙，而帶子就略嫌份量偏少同埋煎得唔夠香口。整體黎講呢個配搭唔錯，不過有少少容易膩🤣。

忌廉腐乳醬北海道帶子闊條麵

$138

------------------------------
斑斕椰啡 ($54) 【6.75/10】

呢個係一個斑斕味嘅affogato配椰子雪糕。咖啡嘅斑斕味道適中，唔會搶咗咖啡嘅香味，可是椰子雪糕融咗之後成杯野飲都好甜，比較似飲緊忌廉奶昔🧐。

斑斕椰啡

$54

------------------------------
Latte ($42) 【6.5/10】

Latte表現正常，不過牛奶嘅比例比一般多，咖啡味道亦較淡。