影片
更多
2021-07-25
173 瀏覽
從來九龍城都係泰菜潮州菜嘅勝地，今次反而幫襯間日本菜叫上戶酒場，朋友話唔錯咁就試吓。雖然係星期四但係都接近坐滿人，咁我諗間餐廳嘅質素一定唔錯。一坐低就嚟咗個前菜，醬係用鯷魚沙甸魚混合而成，點一啲蔬菜條食，鹹鹹香香，即刻開胃哂。跟住叫咗個時令魚刺身，係伊佐木，分別可以點酸汁或者Wasabi豉油。都係一貫嘅白身魚，油份唔算豐富，但鮮甜有咬口。侍應介紹一個西班牙生蠔，都係配酸汁，生蠔裙邊好爽脆，鹹味非常重，蠔味就唔算太濃。跟住叫個泡菜炒豚肉，送啤酒就一流。之後叫咗兩個舖頭嘅招牌菜，係煙燻厚切三文魚同煙燻日本豚腩肉。店員話係原煲用日本嘅蘋果木燻製而成。如果兩個餸來講，鍾意個豚腩肉多啲，因為煙燻後啲油香味出啲，煙燻味同豬比較夾啲，三文魚就覺得一般。跟住嘅鐵板鮑魚上枱時已經切咗片，聞到陣陣嘅牛油同海鮮嘅香味，送酒又係一流。龍蝦味噌虎蝦係將味噌醬放响虎蝦上面再加龍蝦汁一齊焗，醬汁嘅濃味加上虎蝦嘅鮮味，一啖一啖食唔停。之後嘅魚湯係將伊佐木嘅魚頭同魚骨炒香之後煲成，魚味超濃，飲完酒之後飲返碗熱湯即刻舒服哂。今晚埋單大約$1600，雖然係九龍城來講比起其他菜，當然好貴，但係日本菜有呢個質素，其實價錢都叫做
雖然係星期四但係都接近坐滿人，咁我諗間餐廳嘅質素一定唔錯。
一坐低就嚟咗個前菜，醬係用鯷魚沙甸魚混合而成，點一啲蔬菜條食，鹹鹹香香，即刻開胃哂。
跟住叫咗個時令魚刺身，係伊佐木，分別可以點酸汁或者Wasabi豉油。都係一貫嘅白身魚，油份唔算豐富，但鮮甜有咬口。
侍應介紹一個西班牙生蠔，都係配酸汁，生蠔裙邊好爽脆，鹹味非常重，蠔味就唔算太濃。
跟住叫個泡菜炒豚肉，送啤酒就一流。
之後叫咗兩個舖頭嘅招牌菜，係煙燻厚切三文魚同煙燻日本豚腩肉。店員話係原煲用日本嘅蘋果木燻製而成。如果兩個餸來講，鍾意個豚腩肉多啲，因為煙燻後啲油香味出啲，煙燻味同豬比較夾啲，三文魚就覺得一般。
跟住嘅鐵板鮑魚上枱時已經切咗片，聞到陣陣嘅牛油同海鮮嘅香味，送酒又係一流。
龍蝦味噌虎蝦係將味噌醬放响虎蝦上面再加龍蝦汁一齊焗，醬汁嘅濃味加上虎蝦嘅鮮味，一啖一啖食唔停。
之後嘅魚湯係將伊佐木嘅魚頭同魚骨炒香之後煲成，魚味超濃，飲完酒之後飲返碗熱湯即刻舒服哂。
今晚埋單大約$1600，雖然係九龍城來講比起其他菜，當然好貴，但係日本菜有呢個質素，其實價錢都叫做合理啦。
張貼
