影片
更多
2022-05-09
1674 瀏覽
開返晚市之後第一時間約朋友食好西🤤通常黎九龍城都係食泰國嘢，難得見到有我同朋友都中意嘅日本嘢就即刻試下！宜家二人前有8折優惠，一於就叫二人前🤭唔好酒都唔洗擔心，我哋就叫咗巨峰梳打同乳酸梳打。首先會有前菜，蔬菜條配鯷魚醬，第一次咁樣食，鯷魚醬嘅鹹香再加上爽甜嘅蔬菜條，比想像中夾同好味！二人前嘅前菜有火炙左口魚邊沙律🥗同埋燒鱈魚乾✨沙律好清爽開胃，左口魚邊夠晒肥美🤤 鱈魚乾幾特別，而且會忍唔住一塊接一塊係咁食🫣跟住我哋揀咗龍蝦刺身，呢個真係是日最佳！望住師傅喺我哋前面即撈即劏，真係特別新鮮，超級爽口同鮮甜，而且份量非常多！淨低嘅龍蝦就用黎整咗呢個甲羅燒，滿滿嘅龍蝦膏配埋餅乾一齊食，味道啱啱好，朋友仲話有得送飯食就更完美🤣🤣食到底仲有有隱藏嘅龍蝦肉！之後有煙燻牛舌心、白鱔、豬肋條同埋羊架，全部由櫻花木燻製，入口會有木香，別有一番風味🤤食完肉就有鯛魚湯野菜烏冬，湯底清甜，做完最後一道菜就啱啱好可以解漏。甜品有日式卷蛋，分別係巨峰同香蕉朱古力味，非常鬆軟同唔會太甜，係一個完美嘅句號🤤
宜家二人前有8折優惠，一於就叫二人前🤭
唔好酒都唔洗擔心，我哋就叫咗巨峰梳打同乳酸梳打。
首先會有前菜，蔬菜條配鯷魚醬，第一次咁樣食，鯷魚醬嘅鹹香再加上爽甜嘅蔬菜條，比想像中夾同好味！
二人前嘅前菜有火炙左口魚邊沙律🥗同埋燒鱈魚乾✨沙律好清爽開胃，左口魚邊夠晒肥美🤤 鱈魚乾幾特別，而且會忍唔住一塊接一塊係咁食🫣
跟住我哋揀咗龍蝦刺身，呢個真係是日最佳！望住師傅喺我哋前面即撈即劏，真係特別新鮮，超級爽口同鮮甜，而且份量非常多！
淨低嘅龍蝦就用黎整咗呢個甲羅燒，滿滿嘅龍蝦膏配埋餅乾一齊食，味道啱啱好，朋友仲話有得送飯食就更完美🤣🤣食到底仲有有隱藏嘅龍蝦肉！
之後有煙燻牛舌心、白鱔、豬肋條同埋羊架，全部由櫻花木燻製，入口會有木香，別有一番風味🤤
食完肉就有鯛魚湯野菜烏冬，湯底清甜，做完最後一道菜就啱啱好可以解漏。
甜品有日式卷蛋，分別係巨峰同香蕉朱古力味，非常鬆軟同唔會太甜，係一個完美嘅句號🤤
張貼
