影片
更多
2019-01-22
201 瀏覽
有「小曼谷」之稱的九龍城，一直都係泰國菜的集中地。喺咁大競爭之下，黃珍珍作為元祖級泰國餐廳，開左喺九龍城46年仍然屹立不倒，一定有過人之處。知道黃珍珍推出左 「泰愛泰珍味盛宴」餐牌，今日專登同成班朋友來朝聖！香辣海中霸伴青芒果絲海中霸即是泰國的「紅寶石魚」，真的很大一條，而且肉質非常肥美，炸過之後肉質仍然非常嫩滑，表層的鬆脆口感讓人一試難忘。配上紅葱頭、香茅、指天椒同埋秘製辣椒膏的調味，仲有旁邊的青芒果絲，酸、甜、香、辣的味道搭配相融得很好，非常美味，係我今餐最愛！珍珍讚火焰燒雞只看賣相已經要食～「走地雞」放到好似直立咁，上枱果陣仲要點火燃燒，藍色火焰包圍着雞身，簡直就係視覺享受～燒過之後雞肉的味道更香，食落皮脆肉嫩，香口得來不失滑溜。另外配上洋蔥、三色椒、車厘茄、菠蘿等蔬果，為雞肉添上清新口感。M6級咖喱炒蟹 M6級大肉蟹真係不得了，好大隻又多肉，啖啖都咁鮮甜，畫龍點睛的是那咖哩汁，不會很辣，而且相當惹味鮮甜，餐廳貼心地提供麵包，點咖哩汁真係好正架！柚子沙律沙律一Ｄ都唔簡單，柚子當然開胃，而且竟然有新鮮椰絲，落足心思，必試！酸辣海鮮湯泰式湯品唔只得冬蔭功，酸辣海鮮湯都係一個好選擇。飲
喺咁大競爭之下，黃珍珍作為元祖級泰國餐廳，
開左喺九龍城46年仍然屹立不倒，一定有過人之處。
知道黃珍珍推出左 「泰愛泰珍味盛宴」餐牌，今日專登同成班朋友來朝聖！
香辣海中霸伴青芒果絲海中霸即是泰國的「紅寶石魚」，真的很大一條，而且肉質非常肥美，
炸過之後肉質仍然非常嫩滑，表層的鬆脆口感讓人一試難忘。
配上紅葱頭、香茅、指天椒同埋秘製辣椒膏的調味，仲有旁邊的青芒果絲，
酸、甜、香、辣的味道搭配相融得很好，非常美味，係我今餐最愛！
珍珍讚火焰燒雞
只看賣相已經要食～「走地雞」放到好似直立咁，上枱果陣仲要點火燃燒，
藍色火焰包圍着雞身，簡直就係視覺享受～
燒過之後雞肉的味道更香，食落皮脆肉嫩，香口得來不失滑溜。
另外配上洋蔥、三色椒、車厘茄、菠蘿等蔬果，
為雞肉添上清新口感。
M6級咖喱炒蟹
M6級大肉蟹真係不得了，好大隻又多肉，
啖啖都咁鮮甜，畫龍點睛的是那咖哩汁，
不會很辣，而且相當惹味鮮甜，
餐廳貼心地提供麵包，點咖哩汁真係好正架！
柚子沙律
沙律一Ｄ都唔簡單，柚子當然開胃，
而且竟然有新鮮椰絲，落足心思，必試！
酸辣海鮮湯泰式湯品唔只得冬蔭功，酸辣海鮮湯都係一個好選擇。
飲落冇冬蔭功咁重香料味，酸辣配上新鮮蝦、青口、魚、蟹的海鮮大雜薈，
非常美味又暖胃。
什錦串燒沙爹
一次過食齊豬、牛、雞肉，簡直係食肉獸的福音
所有肉類先以黃薑粉、咖喱粉、胡椒粉、豉油、魚露和糖醃至入味，
本身已經相當惹味，再加上地道黃咖哩、椰汁、花生碎，
味道和口感都非常豐富！
馬拉盞通菜
別看一碟通菜很簡單，其實愈簡單的菜式愈難做得好味，
通菜炒得非常爽脆，馬拉盞亦好入味，唔錯！
原個菠蘿炒飯
泰國菜必食！菠蘿的天然酸甜本身就很吸引，加上魚露、蛋、黃薑粉、腰果、肉鬆、臘腸、葡萄干和青豆一起炒飯，將甜、酸、辣、鹹的味道融合得很好，將飯炒得粒粒分明
甜品拼盤
光看賣相就讓甜品控瘋狂了吧
中間的椰青糕以新鮮椰青肉及椰青水所造，清甜又清香，旁邊的椰汁西米糕、芋頭西米糕、斑蘭西米糕、芝麻西米糕都各有特色。
至於同樣一試難忘的香芒糯米糍，更是招牌甜品。芒果很甜，糯米皮薄，加上外層椰絲，口感一流！
連一杯椰汁冰都裝飾得咁靚，真係好用心～
今晚仲有泰國舞蹈表演，好精彩，好似去左泰國咁！
喺黃珍珍享受左一餐泰式盛宴，賓至如歸，
怪唔得咁多遊客都慕名而至！
香港人都唔好錯過呀～
張貼
