走肉‧朋友 (已結業)

今早天氣得返 12 度，本來應該去打個邊爐就最合情況啦，不過實在係凍 + 大風，唔想周圍去，所以停車見咩就食咩啦。我十二點正來到，店面已經坐滿三份之二既人，以博文街甚至大角咀來講，都係好叻既餐廳來了。今日星期日，$78一位，我之前都常食北角間“無肉食”的，但九龍新店就未試。今次先試左呢間酒肉朋友先。以午餐任食素來講，款式很足夠，用料亦佳，個人比較喜歡以下幾款，亦 encore了的有：口水素雞，秋葵，紫薯蓉（可配甜筒的），咖哩素魚旦，煎釀三寶（呢個大愛，添食左好多次），豆腐花，少甜五花茶。店內地方比較窄少，有時轉身會偶有碰撞，但無損大家和諧及氣氛，食客亦很配合願意主動收拾碗碟，價錢亦不貴，抵食，會有一次的。