九重鮮 (已結業)

今日一家人去左食好HIT GE九重鮮！黎食蒸海鮮大快朵頤！黃埔A岀口過馬路就係，好方便，行過遠遠就見到招牌啦！餐廳裝修得幾靚！夠晒光猛！而且咁多枱一齊蒸都無煙霧彌漫，抽風系統幾好訂左位，好快就安排入座！有優惠就試下！我揀左蘆薈味，好清甜！老婆落左ORDER就食完住前菜等待應上菜！個塔黎到真係超高！好有視覺上GE震撼哈哈。頂有個溫度計計到夠熱就可以食喇！一層一層咁食落去，每次打開新一層都哇哇聲！呢個花膠魚片串好正！大啖大啖花膠放入口！有蝦有蟹有蜆，蒸岀黎超級鮮甜！隻蟹勁多肉！蟹蓋上的滑嘟嘟蒸蛋真係神來之筆，吸收晒蟹膏蟹汁的精華！初初以為係腸粉原來係韓國米紙卷！入面有D芝士餡，加埋米子卷GE口感好特別！呢一層黎到魚子福袋！連周圍果D 蔬菜都好甜！粟米日木番薯南瓜全部都是我至愛！最尾仲有集所有海鮮精華煲成GE人參雞粥，好綿好甜！忍唔住食左兩大碗！餐廳o野食好味，坐得舒適，服務殷勤，呢一餐十級滿意！