黎到中環，提起拉麵我就會即刻諗起呢間「立体派拉麵」，佢哋既拉麵分量十足之餘，湯頭及叉燒又夠高質，一於嘭嘭聲去食返碗先～
———————————————————
🔹 特級白湯拉麵
呢款有餐廳主廚命名既特級白湯拉麵，不容錯過！先講配料，有我最鍾意食既日式荀及京蔥絲，而且份量超多，正！湯底夠晒濃厚，拉麵又掛汁，食落索索聲好過癮，當然唔少得餐廳招牌嘅日式叉燒片，大大塊肥瘦適中，送拉麵一流！
———————————————————
🔹 九味醬油湯拉麵
老友就叫咗九味醬油湯拉麵～呢款醬油湯拉麵，有別於一般醬油湯底，加入不同配料，例如鰹魚熬制，採用多款醬油特調而成，味道出眾！配料嘅叉燒係我嘅至愛，大大舊叉燒厚切，油脂及肉一層層，食得好滿足！
———————————————————
🔹自家製餃子
餃子大小適中，內層多汁而唔油膩，不容錯過～
———————————————————
🔹日本蘋果汽水
來自日本既蘋果汽水，果味突出，微微酸，解膩一流！
———————————————————
呢度出品既拉麵，無論濃厚白湯或日式醬油拉麵都好出色，性價比十足，特別推介佢哋嘅日式叉燒，分量十足之餘，入口香滑軟熟！
