福岡.烏龍魚男 (已結業)

已經睇左好多食評先去，所有巴打絲打講好同唔好，我都有特別留意。服務尚算細心，因為我帶埋阿女去，一般提供既酒都自動改成橙汁。舖頭比想像中細，兩位人士就逼住坐bar枱，我覺得最唔好就係咁。有人話book左位都要等好耐？係要等一陣咁大把，絕對可以接受亦有人話坐低左都等好耐？等左十分鐘左右就有第一Set，都冇問題有人話烏冬淋曬，所以專登第一時間食，我覺得本來質地就係淋，並唔係因為時間關係。如果可以改成稻庭烏冬，我會鍾意d。Btw, 可以熱d law。因為只係三百蚊一Set, 所以都係三百蚊質素，如果同千兩比較，兩千壽司魚生好味d。但咁有特色，點都要食一次。