炑八韓烤 (黃大仙中心南館)

營業中

休息中

好耐冇食韓燒，於是約咗朋友一齊食😋我地點咗完勝薄切牛舌套餐前菜好豐富，除咗沙律之外其他都可以無限量添🤩開咗爐之後會放蛋同芝士粟米，d蛋好特別，會加泡菜喺入面。呢兩樣唔止好食，仲可以無限添加，我地加咗4，5次，正！第一次食燒厚豬皮，燒完外皮香脆，食落煙靭彈牙，口感好特別，感覺充滿骨膠原！醬油五花肉醃得好入味，而大墨魚新鮮又厚身，燒完仲保持到爽口同好彈牙。大啡菇有少少驚喜，燒完之後咬落好多汁，連平時唔太食菇類既朋友都食咗幾片。牛舌唔係間間燒肉店都新鮮好食，呢間既和牛牛舌薄薄一片，輕輕燒一燒非常鮮嫩，一啲都唔韌！梨汁雞肉燒完之後好juicy，雞肉肉質新鮮嫩滑。霜降牛小排同蔥蒜牛五花一齊烤，因為牛比較多油脂，所以烤之前可以請職員幫手較細d個爐，否則d火焰就會上哂嚟，今次我地就係咁，好彩職員即刻過嚟幫我地手處理至冇搞到燶哂🙈 菠蘿梳打好香菠蘿味，酸酸甜甜；而藍天使梳打其實係波子汽水，兩杯飲品都可以中和返燒肉既油膩感。