影片
更多
2020-09-09
3224 瀏覽
小小豬話佢好耐都冇去食自助餐，咁見佢考完試，成績又令我非常滿意，咁就帶佢嚟開心一下啦！港島太平洋酒店我地都嚟過好幾次，因為老公覺得依間抵食之餘，佢嘅熱葷就最啱佢兩父子，尤其今次依個以潮州菜為主題嘅「潮茶菜館」自助晚餐，依兩個潮州父子就緊係啱晒。嚟到第一時間就當然要去睇下今次嘅潮州滷水檔，睇下有咩食啦~ 嘩...基本上大部分潮州滷水檔嘅食物都有，好似有滷水鵝、滷水鵝掌、滷水大墨魚、滷水紅腸....，就連潮州凍魚都有，真係超豐富呀！唔止款式多，個味仲啱啱好，唔覺唔覺我地三口子都食都唔知幾多轉啦~當然唔少得海鮮冷盤，種類都算多，而且佢地回得都好快。老公就最鐘意食凍龍蝦，仲話啲肉質夠新鮮又彈牙。我自己就鐘意食長腳蟹多少少，啖啖肉好正呀~ 為防止疫情同保持海鮮嘅衛生，所以會有一位職員姐姐為我地夾所需要嘅食物添~ 熱葷都有好多選擇，而且都幾好食，不過我就比較鐘意煎蠔餅、龍井炒蝦仁同埋鐵觀音話梅炆元蹄，個味都好特別，仲有好多耐食嘅韮菜豬紅都唔錯呀~ 仲有小小豬至愛嘅臘味糯米飯添~ 當然唔少得刺身同壽司~ 依個小小豬有得自己鐘意食咩就去拎，佢就緊係超興奮
港島太平洋酒店我地都嚟過好幾次，因為老公覺得依間抵食之餘，佢嘅熱葷就最啱佢兩父子，尤其今次依個以潮州菜為主題嘅「潮茶菜館」自助晚餐，依兩個潮州父子就緊係啱晒。
嚟到第一時間就當然要去睇下今次嘅潮州滷水檔，睇下有咩食啦~
嘩...基本上大部分潮州滷水檔嘅食物都有，好似有滷水鵝、滷水鵝掌、滷水大墨魚、滷水紅腸....，就連潮州凍魚都有，真係超豐富呀！唔止款式多，個味仲啱啱好，唔覺唔覺我地三口子都食都唔知幾多轉啦~
當然唔少得海鮮冷盤，種類都算多，而且佢地回得都好快。老公就最鐘意食凍龍蝦，仲話啲肉質夠新鮮又彈牙。我自己就鐘意食長腳蟹多少少，啖啖肉好正呀~
為防止疫情同保持海鮮嘅衛生，所以會有一位職員姐姐為我地夾所需要嘅食物添~
熱葷都有好多選擇，而且都幾好食，不過我就比較鐘意煎蠔餅、龍井炒蝦仁同埋鐵觀音話梅炆元蹄，個味都好特別，仲有好多耐食嘅韮菜豬紅都唔錯呀~
仲有小小豬至愛嘅臘味糯米飯添~
當然唔少得刺身同壽司~
依個小小豬有得自己鐘意食咩就去拎，佢就緊係超興奮，仲食得不知幾享受~
仲有即叫即煮嘅潮式生滾粥~
我依個咸菜胡椒豬肚粥絕對係一個推介呀~
當然唔好少左甜品時間~
今次幾款甜品都好吸引到我，用中式食材嚟做蛋糕，口感又幾特別，我就比較鐘意洋甘菊柚子蛋糕、銀杏芋蓉慕絲蛋糕同埋焦糖合桃鐵觀音芝士蛋糕~
除左蛋糕之外，小小豬就緊係唔放過生果同豆腐花啦~
有隻傻豬仔初時以為左冇左雞蛋仔食有點失望，不過原來係佢眼大女睇過龍。因為枱上就有order紙，咁就唔洗係出面排隊等，舒舒服受坐定定就有得食啦~
已經食左N轉熟，仲可以係度不停食甜品，依個小小豬一去食自助餐個胃口都待別大呀~
最後就緊食要食埋杯Häagen-Dazs雪糕咁就完滿晒啦~張貼
