影片
更多
2023-03-16
84 瀏覽
🪄店名* #新肥泉海鮮大排檔🔮地址*佐敦寶靈街17號官涌市政大廈2樓熟食中心 🔮🗾分店地區🗾 沒有分店💰價錢$563.2 已加一(2人)➖➖➖➖➖➖➖➖➖➖➖➖➖🎵餐廳環境🎵官官涌市政大廈真係第一次去 聽講呢一間大排檔都幾出名 而且見到都好多好評 平時食開西餐日本餐 今次一於試下大排檔拉😜位於街市食檔既大排檔 我都唔預佢環境有幾好 但係去到比我想像中乾淨企理 而且光線充足 好光猛😇桌椅之間維持足夠距離 唔怕同其他人太close有分開大細枱 想幾個人黎食下野又得 一大班人聚會都得😚檯面亦有鋪上膠枱布🤗坐系度會見到廚師渣住鑊炒野 烘烘聲 十分有火氣🔥🍽️食物質素🍽️坐底之後侍應就叫我地可以掃QRcode落單～系大排檔可以掃碼落單真係第一次見 好新奇👀食物分開唔同種類選擇 唔似市面上一大個餐牌搞到好亂 不過覺得網上餐牌有時有d lag 希望可以改善小菜煲仔海鮮等 任君選擇🤗睇到眼花繚亂 唸左好耐先揀左四樣菜 兩個人食到超飽超滿足😝上菜速度好快 落單後 大約15分鐘內就上曬四個菜😯熱辣辣 香噴噴💨💨👀評分💖💖💖💖🪄 椒鹽脆鮮魷 $138有我喺度當然唔少得炸嘢啦 本身諗住叫九肚魚 但係男朋友唔鍾意
🔮地址*佐敦寶靈街17號官涌市政大廈2樓熟食中心 🔮
🗾分店地區🗾 沒有分店
💰價錢$563.2 已加一(2人)
➖➖➖➖➖➖➖➖➖➖➖➖➖
🎵餐廳環境🎵
官官涌市政大廈真係第一次去 聽講呢一間大排檔都幾出名 而且見到都好多好評 平時食開西餐日本餐 今次一於試下大排檔拉😜
位於街市食檔既大排檔 我都唔預佢環境有幾好 但係去到比我想像中乾淨企理 而且光線充足 好光猛😇
桌椅之間維持足夠距離 唔怕同其他人太close
有分開大細枱 想幾個人黎食下野又得 一大班人聚會都得😚
檯面亦有鋪上膠枱布🤗
坐系度會見到廚師渣住鑊炒野 烘烘聲 十分有火氣🔥
🍽️食物質素🍽️
坐底之後侍應就叫我地可以掃QRcode落單～系大排檔可以掃碼落單真係第一次見 好新奇👀
食物分開唔同種類選擇 唔似市面上一大個餐牌搞到好亂 不過覺得網上餐牌有時有d lag 希望可以改善
小菜煲仔海鮮等 任君選擇🤗睇到眼花繚亂 唸左好耐先揀左四樣菜 兩個人食到超飽超滿足😝
上菜速度好快 落單後 大約15分鐘內就上曬四個菜😯熱辣辣 香噴噴💨💨
👀評分💖💖💖💖
🪄 椒鹽脆鮮魷 $138
有我喺度當然唔少得炸嘢啦 本身諗住叫九肚魚 但係男朋友唔鍾意食有骨嘅嘢 所以最後就揀咗鮮魷 鮮魷十分彈牙 好味😋 炸皮夠薄 不過略嫌唔夠脆 如果可以再炸耐少少應該就更加好味 但整體都夠新鮮 而且份量多！
👀評分💖💖💖💖💖
🪄 招牌豉椒炒大蜆 $138
必食推介 分量好足 畀咗起碼有15-20隻大蜆 隻隻都肉質厚實 勁大隻 通常係喺出面食蜆 都係細細隻好無癮 但係呢一個竟然唔錯喎 呢個價錢黎講真係十分之抵😇 而且隻隻都好掛汁 食過返尋味 不過如果對於鍾意食辣嘅人就可能會略嫌比較淡 但係我係唔食得辣所以我覺得可以接受🤣
👀評分💖💖💖💖💖
🪄 蝦醬炒通菜 $98
好耐冇食過炒通菜呀 炒通菜呢啲嘢真係一定要出去食 先至可以煮得好味 佢嘅蝦醬唔會好大陣味 但係食落去好入味喎 通菜食得出係好新鮮 脆卜卜 份量都係好多完全食唔曬🤣
👀評分💖💖💖💖
🪄 翡翠帶子蛋白炒飯 $108
原來佢嘅翡翠係菜心粒 呢個飯加咗入去都係點睛之筆 帶子份量又幾足wor 粒粒都夠大粒 就咁睇起碼有畀咗五大粒帶子切粒 啖啖飯都食到！ 而且佢唔會太淡味 所以食落唔會好寡 而面頭都會加入咗大量蟹子 增加色彩 食落去都有啲香味🙋
(5個💖為最高)
✴️✴️✴️✴️✴️✴️✴️✴️✴️✴️✴️✴️✴️
⚜️整體評級⚜️
🎈味道評分*😋😋😋😋
🎈環境質素*🎇🎇🎇🎇
🎈抵食程度*💰💰💰💰💰
🎈服務態度*💌💌💌💌
張貼
