8鍋臭臭鍋 (金巴利道) (已結業)

自從有疫情之後都好耐無打過邊爐，終於約到個朋友收工後一齊出尖沙咀食臭臭鍋，覺得非常開心。大約6點半去到，好彩等左幾分鐘就有位。芝士牛奶鍋我叫左依個鍋，又白又滑既湯底，有齊芝士、忌廉、牛奶既味道，望落已經非常吸引。配菜有麻吉燒、鳴門卷、豚肉、豆腐等等。最估唔到既係個底已經有小小烏冬，但仲配多一碗飯或者粉絲。一個人食都好足夠，而我仲要食唔哂，同行既朋友都食唔晒，佢叫左個臺式麻辣鍋，唔記得左影相，只係記得佢話辣要飲幾杯水。不過我諗食到辣既朋友應該會中意。每個鍋既價錢都係百幾蚊，覺得係物超所值，有機會會再黎幫親。