501
94
16
港鐵佐敦站 D 出口, 步行約7分鐘 繼續閱讀
所有分店 (2)
電話號碼
28857867
開飯介紹
來自台灣的台式火鍋專門店,有多款不同湯底,大部分食材均由台灣入口。除招牌臭臭鍋外,亦有芝士牛奶鍋及臺式麻辣鍋,全部皆以一人一鍋形式供應。 繼續閱讀
營業時間
今日營業
12:00 - 00:00
星期一至日
12:00 - 00:00
付款方式
Visa Master AlipayHK 支付寶 現金 銀聯
其他資料
自帶酒水
切餅費 詳細介紹
電話訂座
外賣服務 詳細介紹
當面支付
食評 (677)
等級3 2021-01-15
82 瀏覽
當想打邊爐個時,但又要煩咩湯底、約幾多人去食個時,呢個時候一人鍋就係好好既選擇。呢間台式既一人鍋,招牌係台式既臭臭鍋,呢樣係台灣好常見但香港好罕見既野食,係尖沙咀既金巴利道就食到。-🍲️⃣ 招牌臭臭鍋 💰88(午市)(👅: 7.5/10)有四種辣度可以揀,火鍋可以揀配飯或者粉絲,揀咗唔辣同粉絲。點蠟形式,煮到咁上下會熄火,個人覺得時間係足夠。麻雀雖小,五臟俱全。呢個鍋入面有好多食材,包括娃娃菜、白豚肉、臭豆腐、台式貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金針菇、鳴門卷、炸枝竹、粉絲。首先講呢個鍋既主角,臭豆腐,呢種唔會好似香港個種油炸,臭豆腐既味一上枱個時聞唔到,要煮滾左個煲先聞到,聞到小小臭味但無香港咁誇張,唔知係咪迎合香港人怕人會對傳統臭豆腐反感,餐廳都無話充斥住臭豆腐既味,食落算香口。之後比較出色既係台式貢丸,大粒咬落彈牙,會食到一粒粒冬菇。沙白,即係白蜆,夠新鮮。米血糕偏腍,有台灣既味道。豬大腸咬落係腍,入味,不過我自己本身唔太鍾意食豬大腸。白豚肉份量多,不過肉質偏鞋D。榨菜絲既味已經入哂湯入面,所以唔會話食到好鹹,咬落都爽脆。其他餸就正常,份量夠大份正常人應該可以食,因為每樣餸都會有幾舊,我自己食左7/8成就食唔落。粉絲本身係鍋會有小小,再加配既粉絲,幾入味。湯睇落清但夠味,會有食材帶來既甜味。每枱都會有一份醬料,有豆瓣醬、沙茶醬、蒜蓉、辣椒醬、豉油,餐廳推薦既比例係3:2:1(豆瓣醬/沙茶醬:豉油:蒜蓉) ,但咁樣調應該會比較鹹。-🍲️⃣ 芝士牛奶鍋💰88(午市)(👅: 7.5/10)同樣有好多食材,包括娃娃菜、白豚肉、日本南瓜、心型魚豆腐、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃同黄金魚籽球。有幾樣臭臭鍋既餸會無,多出黎既有日本南瓜、心型魚豆腐、麻吉燒、香菇、蛋餃、黄金魚籽球。心型魚豆腐賣相特別,食落豆腐都算滑。蛋餃算皮薄不過會好容易煮腍左,同個湯幾夾。麻吉燒食落表皮似魚腐,入面係年糕,咬落煙韌。湯底呈奶白色,上面有一塊芝士,經過高溫會慢慢溶係火鍋入面,食到淡淡既奶味,濃度適中,芝士味唔算太出,鍾意牛奶味應該會鍾意。會見到鍋有生蛋,攪開佢會有蛋花。鍋入面本身有烏冬份,加埋配既飯/粉絲其實份量夠多會食到飽。-🍹凍茉綠茶/凍泡沬紅茶另外會配唔駛加錢既野飲,有凍茉綠茶同凍泡沬紅茶,我覺得食火鍋配茶唔錯,解渴,茶唔甜會有小小苦澀味,苦盡回甘,飲完會覺得食火鍋無咁heavy。-🌟以午市黎講 88+1食到份量咁多既一人鍋係非常抵食,除左尖沙咀銅鑼灣都有分店,味道就正常無話特別好食但都唔難食,想過火鍋癮、或者想試臭臭鍋但又唔可以接受咁臭既臭豆腐可以黎一試。-👅味道: 7.5/10🍴環境: 7/10💰消費: $88 (服務費: 10%) 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-13
0 瀏覽
天寒地凍,要打邊爐先對得住自己。但疫情期間又唔可以一大班人打邊爐。 但因為太想食火鍋,就嚟咗呢間一人一鍋的臺式火鍋餐廳。這店的午市套餐全部$88有多個湯底選擇。 套餐包括一個火鍋,飯或粉絲,飲品。 飲品及飯可以加錢轉其他款式。臭臭鍋大大鍋好足料,火鍋材料有豬肉,丸類,粉絲蕃茄,大腸,豬血膏,臭豆腐,支竹,菜等等…… 湯底味道比想像中清淡。大腸處理得好乾淨,唔會太韌又有少少q彈。豬血糕就冇咩味道。臭豆腐就唔夠臭,有少少失望。餐廳環境尚算整潔,座位舒適,食物質素尚可,未食過的可以一試。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-26
637 瀏覽
食過兩次:套餐鍋 + 飯/ 粉絲 (加以加$7 轉烏冬/ 滷肉飯) + 凍泡沫紅茶/ 凍茉香綠茶 (加$6 或以上轉特色飲品)第一次去食既時候有迷你鍋版可以揀, $69 加1, 女仔完全夠細, 唔係真係細過正常鍋好多。第二次去既時候就淨番正常鍋揀, $88加1, (因為公司sub 錢, 所以我加埋錢轉滷肉飯), 真係食唔哂。勁飽, 包埋野飲最正, 唔使怕口渴)第一次食: 臺式麻辣鍋, 第二食: 香蒜牛肉鍋 (有分辣唔辣, 佢至少係中辣, 但其實唔係好辣, 個人認為)(唔辣都好味, 蒜香味會較重)。我個人鐘意食辣, 會比較推薦臺式麻辣鍋, 不過一直都係鐘意食”麻辣”, 會有偏心成份。總結, 好食加好抵食!! 逝排天氣凍, Lunch 都想食番個暖笠笠既。推薦!餐牌會寫明每個鍋既配料係咩, 每個鍋都唔同。 慢慢揀! 同埋佢餐牌有更新, 特別鍋既味, 唔係真係次次去都食到架。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-07
806 瀏覽
疫情期間不能到外地,為了尋找台灣的味道今天來到尖沙咀,吃台灣地道美食臭臭鍋。我們叫了傳統的臭臭鍋和麻油雞鍋。臭臭鍋不像台灣那樣有酸辣的味道只是有辣的味道,材料10分充足,一個人食10分滿足。另外麻油雞鍋湯底鮮甜,加上了麵線,味道不俗,我稍為喜歡吃這個雞鍋。我們還叫了飲品,味道還可以。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-29
658 瀏覽
秋天到涼涼哋係打邊爐嘅好時候😆今次嚟到呢間嚟自台灣嘅台式火鍋專門店,火鍋以一人一鍋嘅形式供應,好適合同好姊妹兩個人邊食邊吹水👭🏻📍招牌臭臭鍋($115):有四種辣度選擇,配飯/粉絲,加$7可以升級滷肉飯/烏冬,我揀咗小辣同粉絲。雖然話係一人鍋,但係材料其實都有幾多款:臭豆腐、台灣貢丸、白豚肉、米血糕、大腸、沙白、豬紅、金針菇、鵪鶉蛋、炸枝竹、鳴門卷、娃娃菜、番茄、榨菜、韭菜 & 粉絲👏🏼👏🏼話明係臭臭鍋主角就梗係臭豆腐啦,同香港嘅臭豆腐唔同,呢款臭豆腐唔係油炸嘅,聞落臭得嚟又唔會臭到你頂唔順😏食嘅時候都覺得幾香口(臭),都幾唔錯😌 不過我覺得最好食嘅係台灣貢丸,大大粒咬落真係好彈牙,而且可以食到粒粒冬菇😋 沙白幾新鮮,我鍾意😙 米血糕都幾唔錯,係台灣嘅味道,其他火鍋料都正常發揮,整體係好食嘅👏🏼👏🏼 份量嚟講自己食一鍋已經好飽啦🌟火鍋嘅醬料有推薦嘅完美比例:3羹豆瓣醬/沙茶醬 + 2羹豉油 + 1羹蒜蓉,鍾意食辣可以加辣油,我親自試咗,真係好正😆推薦大家自己調配下!好食指數:4/5📍招牌奶茶($28):可以選擇甜度,我揀咗無糖,但係估唔到都非常好飲😳 睇返menu,呢度嘅茶葉全部採用源自高雄嘅長信名茶,而呢杯招牌奶茶就係由精選嘅全發酵阿薩姆紅茶沖製,飲落濃而不苦,加埋奶香真係非常香醇,回味無窮呀🤤🤤好食指數:5/5抵食指數:4.5/5環境指數:4.5/5推介指數:4.5/5 繼續閱讀
(以上食評乃用戶個人意見 , 並不代表OpenRice之觀點。)