茶木‧台式休閒餐廳 (已結業)

約咗朋友去朗豪坊shopping，晚飯時候周圍都係人等位食飯，同朋友行了好約間餐廳，最後選擇食茶木， 冇咁多人，價錢又合理。等了20分鐘，入坐後發覺枱與枱之間很狹窄，坐位有點迫，但好在枱下有掛鉤，可以勾住個袋，幾貼心。鹽酥雞扒麵 $74外皮炸得很香脆，炸粉薄薄一層不會戒口，雞扒嫩滑有肉汁，好好味。牛肉湯麵一樣咁好味，湯底有濃濃的牛肉味， 麵條係闊身的，煙韌有彈性，但掛湯一般。鳳梨鮮果甜酸肉 $87新鮮菠蘿，香甜爆多汁。 我好鍾意食甜嘢，所以覺得好好味，咕嚕肉炸到外面脆脆， 裏面有小小肥肉，加上甜甜酸酸的醬汁很開胃，送飯一流。黑朱古力蛋糕 $35朱古力慕士蛋糕，外層淋上黑朱古力醬，餅底有一粒粒的朱古力脆脆。 朱古力香濃好味，不會太甜。仙草奶茶 跟餐 $9仙草滑滑的，口感好似涼粉。 奶茶香濃好味，但朋友話太甜。