珍煮丹 (已結業)

近排聽到一個消息就係許留山執咗 ，忽然懷念起楊枝甘露。該款甜品曾經喺香港紅極一時，咁啱我見到，呢間珍煮丹竟然有呢款甜品。 為咗懷念昔日嘅味道，就決定叫咗一杯嚟飲。 楊枝甘露係40蚊一杯，甜度同冰度都冇得調教。 楊枝甘露由芒果，椰奶，西柚，西米露等等組成。芒果和西柚的分量都算很多 。喺飲嘅時候可以感覺到芒果的酸酸甜甜及椰汁的香甜。西柚咬落去有爆汁的感覺 ，西米露就有煙韌的感覺。整體非常之配合，尤其是今日好熱飲落去非常爽，正。