新記雞粥 (筲箕灣道)

營業中

休息中

星期日去左筲箕灣探個朋友仔，平時都比較少嚟呢區，見下午茶時間未完就喺附近搵間餐廳醫下肚，同屋企人見到間食粥品既就入去試試佢。紅燒元朗脆皮乳鴿而家除左酒樓之外出面都好少地方有乳鴿食，新鮮炸出嚟乳鴿熱辣辣脆卜卜，肉汁豐富，基本上就咁食都好夠味。海蜇生腸好入味，同平時啲海蜇生腸有少少唔同，加左啲辣汁，更加惹味開胃。生滾豬膶粥豬潤大大塊，爽口唔老，粥底綿滑，下午茶嚟講好抵食跟餐蘿蔔糕煎得香脆，足料唔會成口粉。豉油王炒麵炒得非常乾爽，調味適中，看似普通但十分好食。七喜話梅柑桔冰酸酸甜甜，所有飽濟感一掃而空。