元気寿司 (已搬遷) 新店位置

好耐冇食過元氣啦，所以同男朋友即刻去食番個下午茶先唔使等位一去即刻有得入座 我哋兩個未食lunch，所以好肚餓 快快脆點左一人一個下午茶 set好豐富，兩個人食啱啱好夠飽清曬所有嘢好鍾意食元氣啲刺身，大大件又夠厚三文魚刺身口感好rich，係近魚腩位 所以食落好creamy，正！蝦刺身就十分大件，真係好足料好大啖蝦肉食落去好鮮甜 爽口我哋一人一set，烏冬就普普通通咁啦冇特別 不過好大碗我食唔曬，食咗一半淨低嘅比晒男朋友食，至於個玉子燒真係超級正 好香濃嘅芝士味成嚿放落口 大啖大啖咁食口腔充滿著 好香嘅玉子 以及芝士味不過元氣啲壽司飯有個缺點就係咁多年嚟都係好易散開茶碗蒸就反而有驚喜，好食過以前啲蛋真係超級滑我同男朋友都一致認同個茶碗蒸好好食雖然唔算好足料，不過啲料都幾大件唔錯唔錯至於依款三文魚頭湯，就最有驚喜睇落平平無奇咁，點知飲落好有水準而且勁大一碗，我哋飲湯嗰陣已經食飽咗咁濟 所以都差啲飲唔曬，實在係太大碗了 而且十分之足湯料，入面嘅魚頭超大嚿！都有成三～四塊咁多㗎我嗰碗湯入面啱啱好有個魚頭嘅腩位真係好正呀 我最鍾意食魚頭感覺上吸收左好多骨膠原咁哈哈哈