影片
更多
2022-08-14
39 瀏覽
上網見到好多介紹呢間新開嘅餐廳，應該唔錯，係銅鑼灣洛克駅嘅上面，係食壽喜燒嘅專門店，裝修幾新派，廚師會集中企喺中間，顧客坐在兩旁，氣氛舒服，和式簡潔。叫咗佢哋首推嘅壽喜燒餐加三文魚子飯set，前菜嚟咗一個三小碟，有明太子豆腐，豆腐充滿豆香，汁煮鮑魚，夠入味入口彈牙，北海道甜粟米，上枱擺設非常出色，充滿日式嘅細緻感。刺身有赤身，池魚及海膽，賣相不得了，池魚非常好味，爽口彈牙有魚味，海膽味道不錯帶回甘。墨魚汁三文魚子蒸水蛋，加上墨魚汁嘅水蛋，同埋少少墨魚，入口墨魚味好香濃。生牛肉他他，面有鵪鶉蛋，海膽，黑蟹籽及梨條，生牛肉剁得好鬆軟，我食嘅時候冇將佢撈勻，咁樣個海膽，蛋香更加突出，甜甜地嘅梨子似韓式生牛肉，解油膩感。主菜上場，鹽燒牛舌心，用特製生鐵鑊煎熟，牛脷配萬能蔥，蒜片，羅白蓉，生洋蔥及柚子汁，牛脷軟滑，味道層次感豐富。21日熟成美國牛，另配岩手一見鍾情米，牛肉入口好香滑，熟成後肉質都好鬆軟，個人幾鍾意，牛肉味夠濃郁。A4和牛肉眼西冷，見到啲雪花已經不得了，雖然食到呢個時候都有啲飽，不過呢兩塊和牛真係非常好味，油脂豐富，入口即溶，加入生雞蛋，口感非常非常嫩滑！蔬菜仲有青蘋果，芋絲，金菇
叫咗佢哋首推嘅壽喜燒餐加三文魚子飯set，前菜嚟咗一個三小碟，有明太子豆腐，豆腐充滿豆香，汁煮鮑魚，夠入味入口彈牙，北海道甜粟米，上枱擺設非常出色，充滿日式嘅細緻感。
刺身有赤身，池魚及海膽，賣相不得了，池魚非常好味，爽口彈牙有魚味，海膽味道不錯帶回甘。
墨魚汁三文魚子蒸水蛋，加上墨魚汁嘅水蛋，同埋少少墨魚，入口墨魚味好香濃。
生牛肉他他，面有鵪鶉蛋，海膽，黑蟹籽及梨條，生牛肉剁得好鬆軟，我食嘅時候冇將佢撈勻，咁樣個海膽，蛋香更加突出，甜甜地嘅梨子似韓式生牛肉，解油膩感。
主菜上場，鹽燒牛舌心，用特製生鐵鑊煎熟，牛脷配萬能蔥，蒜片，羅白蓉，生洋蔥及柚子汁，牛脷軟滑，味道層次感豐富。
21日熟成美國牛，另配岩手一見鍾情米，牛肉入口好香滑，熟成後肉質都好鬆軟，個人幾鍾意，牛肉味夠濃郁。
A4和牛肉眼西冷，見到啲雪花已經不得了，雖然食到呢個時候都有啲飽，不過呢兩塊和牛真係非常好味，油脂豐富，入口即溶，加入生雞蛋，口感非常非常嫩滑！
蔬菜仲有青蘋果，芋絲，金菇，豆腐。呢度係關西風壽喜燒，師傅煎嘅時候仲會不斷加入鰹魚汁，所以食到嘅壽喜燒更加香濃，更加美味。最後嘅斧飯有蠶豆，蟹肉及黑松露，當然唔少得嘅三文魚籽，一碗放喺你面前，你可以自由添加，個人覺得三文魚籽蓋過整個飯都已經好足夠，唔係就會有啲鹹！
結尾熱辣辣蘑菇清湯，幫你解下滯。甜品水信玄餅，中間係漬過嘅櫻花，帶少少酸味，同埋一個雪糕餅。
喺銅鑼灣$980嘅套餐唔算貴，全部食材交足貨，環境好舒服，基本上師傅會由頭到尾幫你打點及整理壽喜燒，似牛肉版嘅師傅發板，食物超高水準，如果唔食牛，仲有日本雞或豬嘅套餐，價錢相宜一點，都值得一試！
張貼
