Dodam Chicken (1亞太中心) (已結業)

未疫情前，一年去幾次韓國，而家冇得去，又掛住韓國炸雞，所以上網睇睇邊間韓國炸雞好食，見有人推介呢間韓國炸雞都唔錯，於是今日就去試吓。入面嘅裝修都好有韓國feel,仲有電視播住韓國女團嘅MTV,好似去咗韓國咁。睇睇餐牌，其實都幾多款炸雞款式，今日我地決定試吓香蒜甜醬油炸雞，佢地都幾好，可以叫一份或者半份，我地叫咗半份，因為我地想試埋其他野，上碟嘅賣相都好靚，雖然係半份，但份量都唔少，雞皮炸到脆卜卜，加上甜醬油，非常惹味，食落雞肉仲好juice,外脆內嫩，真係好似喺韓國食果d味道。食韓國野，唔少得食年糕啦，我地叫咗芝士年糕拉麵，佢係用鐵板上，熬辣辣，d半熔嘅芝士加埋d公仔麵同年糕一齊食，勁正，除咗年糕外，仲有好多魚糕喺入面，真係非常滿足。