詠藜園四川菜館 (已搬遷) 新店位置

詠藜園,細細個就聽過佢個名~想食好耐,兩星期前的起心肝同女友兩個人去試試等位等左一陣,等果陣可以睇下貼0向玻璃個餐牌未入到去就可以睇哂要食乜,夠方便但係要注意,貼出黎果張餐\牌係舊野黎,價錢已經唔同左入到去,已經有一對情侶食緊,而同我地一齊入去搭(木台)0既,有一家四口我同女友叫左一個唔辣0既擔擔麵,一個羊肉湯麵(個名唔記得左),一個韮黃炒鱔糊,一個青瓜粉皮,一籠小籠包,隔離一家四口叫0既大致同我地叫0既野,同埋份量差唔多...先講個擔擔麵,因為小弟食花生會敏感,所以冇食擔擔麵女友話個醬好濃但唔油膩,麵條有口感,好好食我食果個羊肉麵,麵0既口感唔錯,羊肉夠咪但得幾塊仔,唔夠多,三十幾蚊黎講略貴鱔糊,好食,但真係要熱食,攤左一陣就開始食得出有D腥味...青瓜粉皮,真係正,又軟滑又香,唔駛一陣就清左~小籠包,失望,一籠十隻之中,好多都穿左,得返少少汁,而冇穿果D,味道都唔錯,個湯味道亦好~埋單一百七十幾蚊,抵食~食到捧住個肚走人~有機會,平日再去食過!