釣魚船屋 (已結業)

之前都聽過講呢間有得釣魚既餐廳，但礙於自己冇釣魚天份，加價錢又真係有點點貴，今次咁岩食午飯黎呢頭，又發現原來有午餐定食！餐廳算闊落，雖然好多海洋生物，但都唔會覺得好腥好污糟，如果多人食可以坐和式房，好闊落！ 但聽講晚市坐房有最低消費。午市定食選擇超級多，岩哂選擇困難既你，價錢合理，而且好多野食。一個定食有茶碗而且蒸，小菜，沙律，麵豉湯，主菜，飽到不得了。講下味道，刺身個飯真係麻麻，冇咩味，黏埋又乾。吞拿魚麻麻，但其他魚都唔錯，茶碗蒸好好食，麵豉湯少少太咸。服務方面不過不失，但可能人手唔夠，上菜比較慢。最近午市仲有85折。