肉搏食堂 (已結業)

今日行過厚福街見到不少新餐廳，其中見到間食日式丼飯而且仲係肉肉，食肉獸的我當然要去試下啦。香煎頂級牛肉配鵝肝丼：起初見到牛肉咁紅有少少驚但食落一d生既感覺都冇，牛肉有肉汁加上 唔韌果然係頂級牛肉，鵝肝香煎冇得輸配搭非常好。慢煮黑豚盛丼：黑豚熟後是粉紅色可見是用慢煮手法，豚肉砌得薄又淋身加上一隻蛋黃混合丼飯食非常正。本家製日式豚肉餃子（5隻）：豚肉味道好出好新鮮，餃子大細適中可以一口一隻。藍莓青檸梳打：藍莓同清檸好夾加上梳打飲落好爽。紫薯鮮奶：紫薯打溶仲有少少粒有口感加上鮮奶都好夾。