影片
更多
2023-04-02
391 瀏覽
Lifetastic眾所週知佢嘅西瓜蛋糕最出名，我哋都食過好多次，但今次將軍澳呢間竟然係有埋fine dining, 真係好想試下水準同佢d餅係咪一樣出色。晚餐菜式選擇好多，但dinner set好抵食。168就包餐湯，前菜，主菜，飲品。加多40蚊就有最出名嘅蛋糕，平時係賣緊78蚊一舊。我地叫左2個set,前菜有三文魚沙律、黑醋汁焗大啡菇、主菜係北海道三文魚籽海膽意大利同埋波士頓龍蝦意大利飯，加埋招牌草莓西瓜蛋糕同班蘭芒果紫米蛋糕。三文魚沙律三文魚肉質鮮嫩、沙律菜非常新鮮，仲要係羽衣甘藍，配埋三文魚同芭樂，好fresh, 好開胃黑醋汁焗大啡菇啡菇好大好肥美，用芝士焗得啱啱好，啲菇肉質腍身又有啲彈牙，加埋啲黑醋汁嘅酸甜味道同芝士香，真係好好味。北海道三文魚籽海膽意大利三文魚籽同啲海膽鮮甜到冇話講，加埋啲意大利面煮得啱啱好，好Q好彈牙。個醬汁好creamy, 估唔到西餐水準同蛋糕水準一樣高。波士頓龍蝦意大利飯龍蝦肉質鮮美，份量比想像中多，拆肉後都係大大舊，啖啖肉。配埋啲意大利飯煮得啱啱好，唔會過硬或者太稔，仲有啲濃郁嘅龍蝦汁，真係一份令人停唔到口嘅菜式招牌草莓西瓜蛋糕食過無數咁多次，都係保
Lifetastic眾所週知佢嘅西瓜蛋糕最出名，我哋都食過好多次，但今次將軍澳呢間竟然係有埋fine dining, 真係好想試下水準同佢d餅係咪一樣出色。
晚餐菜式選擇好多，但dinner set好抵食。168就包餐湯，前菜，主菜，飲品。加多40蚊就有最出名嘅蛋糕，平時係賣緊78蚊一舊。
我地叫左2個set,前菜有三文魚沙律、黑醋汁焗大啡菇、主菜係北海道三文魚籽海膽意大利同埋波士頓龍蝦意大利飯，加埋招牌草莓西瓜蛋糕同班蘭芒果紫米蛋糕。
三文魚沙律
三文魚肉質鮮嫩、沙律菜非常新鮮，仲要係羽衣甘藍，配埋三文魚同芭樂，好fresh, 好開胃
黑醋汁焗大啡菇
啡菇好大好肥美，用芝士焗得啱啱好，啲菇肉質腍身又有啲彈牙，加埋啲黑醋汁嘅酸甜味道同芝士香，真係好好味。
北海道三文魚籽海膽意大利
三文魚籽同啲海膽鮮甜到冇話講，加埋啲意大利面煮得啱啱好，好Q好彈牙。個醬汁好creamy, 估唔到西餐水準同蛋糕水準一樣高。
波士頓龍蝦意大利飯
龍蝦肉質鮮美，份量比想像中多，拆肉後都係大大舊，啖啖肉。配埋啲意大利飯煮得啱啱好，唔會過硬或者太稔，仲有啲濃郁嘅龍蝦汁，真係一份令人停唔到口嘅菜式
招牌草莓西瓜蛋糕
食過無數咁多次，都係保持一貫水準。爽甜嘅西瓜，夾雜住唔同layer嘅蛋糕同cheese cake, 加上士多啤梨同果凍，豐富嘅味道同口感，每次食都係咁驚喜，永遠都唔覺膩。
班蘭芒果紫米蛋糕
第一次食，估唔到呢個fusion 蛋糕創新得黎又好味又無違和感。班蘭嘅香味，芒果紫米口感，配埋海綿蛋糕，非常好味。
凍果茶
大大杯賣相吸引，足夠兩人飲用，有西瓜、草莓、洛神花，口感清爽有夏天的味道，飲完仲好消滯。
張貼
