LIFETASTIC BISTRO (PopCorn 1)

營業中

休息中

今日跟很久不見的朋友吃 brunch，我們去了將軍澳 popcorn一間Cafe，加上餐廳送甜品，所以就去試一試。🕊️ All Day Breakfast 超足料，超豐富 當然有最基本的蔬菜、麵包、蛋、煙肉、煙三文魚、腸。驚喜有薯餅，最特別是除了牛油果，還有西瓜、菠蘿 🕊️ 焗波士頓龍蝦魚柳全日早餐 除了 All Day Breakfast 有的材料之外，重點就是龍蝦，龍蝦肉不韌、有肉汁，但魚柳就有點遜色啦，比較乾 🕊️ 芒果柚子蛋糕朋友點了芒果柚子蛋糕，清清的味道🕊️ 杜拜朱古力蛋糕 侍應端上來時看到是綠色，我以為給錯了蛋糕 😂 蛋糕不甜，但朱古力味不夠重 總括來說，覺得這個 brunch CP值都算高，可以再來。

今日喺冇預約嘅情況下嚟到呢間餐廳食brunch，喺等位期間眼見唔係好夠人手，大大影響出餐同入座時間，有啲位係冇人book嘅情況下空置左10幾分鐘都冇人安排入座，拖長左等候時間，見到好多人都等唔切走咗。除咗唔夠人手之外，侍應感覺都唔係好熟手。呢間餐廳要用app下單，但係服務麻麻嘅情況下仲收加一就感覺有啲少貴。食物質素ok，但唔係好夠熱同有d飲品要催先上，如果之後都係要等咁耐先可以食，我應該唔會再嚟了。

買左招牌草莓西瓜蛋糕同母親節限定紅桑子荔枝蛋糕。招牌草莓西瓜蛋糕果然名不虛傳👍🏻 新鮮嘅士多啤梨同西瓜果肉完美融合，中間嘅忌廉好味，而頂部嘅乾花為呢款蛋糕添加咗一份淡淡嘅花香👍🏻至於紅桑子荔枝蛋糕，感覺就一般咁啦😂

Easter Holiday大部分人不是北上，便是外遊，四周圍都好靜，剛剛行過見到有promotion,只要堂食惠顧套餐滿$68或以上，便送指定精緻蛋糕一件（價值$48）😍😍套餐價錢也合理，所以決定試吓😁😁香煎三文魚卡邦尼意大利粉三文魚煎得好好👍意大利粉🍝賣相及味道自家製牛肝菌醬雜菌意大利雲吞感覺個餡有些芝士，所以特別好味😋其實甜品才是我的主菜😂😂😂蜜柑西瓜蛋糕，雖然只是mini size,不過作為飯後甜品，配上餐茶，份量剛剛好，每層也不同日式焙茶香蕉蛋糕，沒有什麼驚喜😅

Lifestatic嘅 招牌草莓西瓜蛋糕開心果、玫瑰花瓣、草莓、玫瑰味忌廉、西瓜、杏仁餅底(無麩質) $85 (petite)It is sooooo tiny.一層層色彩分明，視覺效果非常吸引。蛋糕由新鮮西瓜片、中間柔滑的奶油和鬆軟的蛋糕層組成，每一口都帶有清新嘅果香同綿密嘅口感。西瓜多汁甜美，奶油嘅淡淡甜味完美融合，賣相精緻，呢款蛋糕啱晒追求清爽又enjoy luxury嘅甜品愛好者！🍰🍉

新年期間去做popcorn商場行街， 發現咗個好大嘅優惠。 平時見到佢哋招牌蛋糕都要78蚊一件。 見到promotion poster， 惠顧午餐就可以免費贈送一件蛋糕。 詳細問過之後，冇乜特別條款，只係需要畀返10%手續費， 同埋見蛋糕一定要堂食。點兩個餐就可以送兩件真係非常驚喜， 黑松露雜菌意粉 ，雞扒流心蛋竹炭漢堡， 味道都算ok， 雞扒就熟咗少少， 唔夠嫩滑 ，但係都可以接受。最期待當然係招牌蛋糕， 荔枝西瓜蛋糕， 其中一件係超多荔枝要勁開心， 加埋玫瑰花嘅味道 真係好幸福。 不過呢個季節食西瓜就唔係太甜， 但係都可以接受。

食物方面：黑毛豬芝士西多：西多士入面有嫩滑黑毛豬，同埋濃郁芝士😈更邪惡既係用煉奶！吃完好滿足，好有罪咎感😂😂😂龍蝦all day：採用既食材高質👍🏼而且味道好夠😆😋肉鬆芋泥鹹蛋蛋糕：超好味🤤口感層次多，又鹹又甜又香！必點😆😆😆服務方面：唔錯環境方面：舒服性價比方面：正常如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

蛇年大年初一，緊係要品嚐豐盛嘅一餐，再去開心拜年，LIFETASTIC BISTRO仲有「新春好運新滋味」套餐，一於就叫呢個Set，為今年添福添運，行運行到腳趾尾🥰薑汁紅棗蛋糕🍰上有淡雅粉嘅桃花，再加上點點金箔，滿滿貴氣，又寓意人緣當旺🥰；粉白一層一層嘅設計，象徵蛇年步步高升🆙 而且，呢款Cake真係有好濃嘅薑味，近排天氣咁凍，驅寒一流💨呢個Set仲會配一杯限時特色飲品，Zaza挑選咗「凍紫薯紅豆厚椰奶🥥」，椰香重，有淡淡的紫薯香，又唔太甜，推薦俾各位紫薯控👍🏻Zaza仲Order咗他他醬太陽蛋燒雞扒竹炭漢堡🍔、黑松露雜菌意大利粉🍝、經典法式口吐司🍞、全日早餐🍳、牛角包🥐，咁今年一定豐衣足食😎他他醬太陽蛋燒雞扒竹炭漢堡🍔 嘅雞扒極厚極滑；再配上太陽蛋，蛋香齒頰留香；竹炭漢堡包微微香脆，滿滿麵包香黑松露雜菌意大利粉🍝 嘅黑松味濃，加上各式雜菇，令口感充滿層次感經典法式厚吐司🍞 係 #咕吱必點之選，事關佢唔係一般嘅西多士，淋上濃郁桂花醬同濃烈嘅煉奶後，香氣逼人，係其他餐廳食唔到💁🏻‍♀️全日早餐🍳就相當豐富，仲有Zaza好鍾意食嘅脆脆薯餅、濃郁炒滑蛋，同牛油果麵包添呢餐真係幾豐盛又好味，祝各

久仰大名嘅西瓜蛋糕 行過見到堂食惠顧$68或以上套餐就可以送指定蛋糕一件 就決定試試- 蒜片茄醬蟹肉大蝦意大利粉 $98 是日餐湯 白桃冰紅茶 +$5- 香煎三文魚卡邦尼意大利粉 $128 是日餐湯 白桃冰紅茶 +$5兩碟意粉份量好夠 我揀咗蒜片茄醬蟹肉大蝦意大利粉 大蝦有三隻 入面仲有一堆蟹肉 蒜片味幾香 大蝦如果可以再煎香啲就更好 朋友揀咗香煎三文魚卡邦尼意大利粉 有幾舊細細地嘅煙豬腩 好香口但齋食就有少少鹹 意粉好creamy 三文魚皮如果再煎脆啲就完美餐湯係椰菜花忌廉湯 表現正正常常白桃冰紅茶偏甜 但味道係可以揀咗兩個套餐有兩件蛋糕送返 去門口睇返當日有咩蛋糕再挑選就可以😎我揀咗招牌草莓西瓜蛋糕 朋友揀咗荔枝西瓜蛋糕 埋單只要補返蛋糕嘅加一服務費 初嘗佢哋嘅蛋糕 第一次食有西瓜嘅蛋糕 感覺好特別 但原價$78一件 正常我唔會有呢個衝動去買🤣所以呢餐真係好抵食 仲好飽肚💰$275

今日黎食呢間，以西瓜🍉蛋糕🍰出名嘅西餐廳食午餐，本身滿心期待😊但食完後有失望感。首先，明太子意粉🍝冇明太子味其二，全店冇薯條🍟變咗薯餅，又唔預早通知。跟著，個牛肉Burger 塊牛勁硬，真係唔係好值呢個價錢，而且服務好一般…！蛋糕好食嘅，但蛋糕以外嘅野食/飲品就麻麻！

幫朋友手搬 office，朋友揸車由葵芳入 TKO，平時真係好少入 TKO。搵個間 cafe, 裝修幾靚，可能我地早到，冇 book 位都唔多人。叫左set lunch : 蘑菇湯同漢堡包配薯條。🍄 蘑菇湯一上枱就散發出迷人嘅香氣，湯底濃郁滑順，蘑菇嘅鮮味充分釋放，口感細膩，仿佛每一口都能感受到新鮮蘑菇的香甜。🍔 漢堡包漢堡包的外表金黃誘人，漢堡煎得外焦內嫩，配上新鮮嘅生菜同濃郁嘅芝士，同流心的雞蛋，味道層次分明，每一口都充滿咀嚼感。特別係配上脆口嘅薯條，簡直係一個完美嘅搭配。

明明話星期四做指定主菜或意粉半價，點知去到原來係第二件先有半價,    但係條款有冇寫清楚!  問咗門口服務員佢話係客人理解錯，所以佢哋已經加咗個貼紙喺張poster度，佢話唔知點解淨係將軍澳啲客人先唔明白個條款，其他地區分店冇問題! 聽到佢咁講我真係O晒嘴, 明明係自己寫得唔清楚竟然推卸責任喺客戶度, 仲要喺我背後講壞話....今日仲係咁嘅態度等執笠!!

為朋友慶祝生日，預約時填寫了生日主題，最後蛋糕有著很美的擺盤並加上了生日巧克力牌。值得一提，結帳時職員非常貼心提醒及詢問我們，由於當日是星期四，會有預約優惠，其中一個主菜半價後會比套餐更便宜，最後為我們安排了此優惠。謝謝她的貼心跟有禮的服務，一切都很美好。

有次夜晚同朋友想喺Popcorn 搵間餐廳食飯，咁啱呢間喺電梯口，於是就揀咗呢一間。入門口第一下已經覺得好差，同服務員講我哋要兩位嘅枱，講咗幾次，冇人理我哋，咁我哋就唯有自己直接入去搵枱。跟住隨即就有工作人員走來問我哋幾多位…..我同我朋友都對望咗一下覺得好好笑，喺門口問咗幾次都冇人理要去到咁樣先至理。最好笑係叫餐，佢哋係QR code落單嘅，我哋見個牛嘅餐加唔到，於是我就行出去問個職員，個職員就話可以幫我哋落單。完成落單後，隨即隔籬枱都話要搵佢哋落單。個職員幫隔籬落完單之後，就走埋嚟同我哋講話唔好意思，嗰份牛無咗，俾隔籬枱叫咗，因為得返一份。咁我就同職員講話係我哋落單先，個職員就話係計邊一個坐低先，我真係無話可說。 呢啲咁嘅服務態度服務質素正一垃圾，唔怪得香港嘅餐廳都做唔住。

差唔多逢星期六早上都過嚟食早餐，以前未加價都知道份量慢慢少，$58自選早餐，我會加$3轉煙三文魚，以前至少都有兩塊，而家只得一塊。睇返以前餐單，奶啡唔使加錢而家要加$6 。都明白經濟唔好，經營困難，加價都正常，但係加價份量少咗真係太過分，連沙律醬都慳返，個沙律乾浸浸，我估可能忘記咗呱？我都叫職員俾返沙律醬🤣🤣🤣🤣，職員都即刻幫手俾返沙律醬，服務其實不變都唔錯。話晒係連鎖店，加價可以，但係維持返食物質素，呢個要求唔過分啩？