影片
更多
2016-10-15
3606 瀏覽
去開元朗探親戚,順便去搵食。去左間日本放題餐廳，門口裝潢幾靚，有盞水晶吊燈，全條樓梯的牆都鑲上鏡，都幾特別。沿樓梯下2層通往地庫，地庫門口已經放了一個做型骷髗骨人，因為近萬聖節，所以全個餐廳都佈置起了，成為一個主題餐廳。這裡的大部分飲品和甜品都是放於自助吧任取的。甜品有雀巢雪糕，韓國雪條，慕絲...雪糕種類口味都算是多.飲品方面有綠茶，果汁,最正有 Belgium Hoegaarden白啤任飲,一般放題5會有呢D入貨成本比較高的酒精類飲品任飲，我就飲左3支啦XD食物方面，有十幾款海鮮刺身，雖然同專食刺身無得比，但都算新鮮，個人覺得吞拿魚，元貝，鮑魚片比較爽口好味。壽司手卷十分多選擇，仲有火焰壽司，我見到差不多每桌都起碼叫十多件。不過我本人不留都5太鍾意食壽司，所以叫左其他選擇。我個人比較喜歡熟食料理，串燒，炸物... 等。串燒方面，雞肉串做得不錯，十分嫰滑，配是日本甜燒汁。雞軟骨香脆爽口，不是死咸，另一好味之選。炸物方面，炸雞翼亦不俗，香，脆，熱。炸香芋紫心丸口感煙煙韌韌，不太甜。料理香辣炒蜆值得一讚，頗有大排檔風味，夠火候，香辣惹味。送酒一流。亦叫了香煎大蝦和西冷牛扒，其實肉質都可以
去左間日本放題餐廳，門口裝潢幾靚，有盞水晶吊燈，全條樓梯的牆都鑲上鏡，都幾特別。
沿樓梯下2層通往地庫，地庫門口已經放了一個做型骷髗骨人，因為近萬聖節，所以全個餐廳都佈置起了，成為一個主題餐廳。
這裡的大部分飲品和甜品都是放於自助吧任取的。
甜品有雀巢雪糕，韓國雪條，慕絲...雪糕種類口味都算是多.
飲品方面有綠茶，果汁,最正有 Belgium Hoegaarden白啤任飲,一般放題5會有呢D入貨成本比較高的酒精類飲品任飲，我就飲左3支啦XD
食物方面，有十幾款海鮮刺身，雖然同專食刺身無得比，但都算新鮮，個人覺得吞拿魚，元貝，鮑魚片比較爽口好味。壽司手卷十分多選擇，仲有火焰壽司，我見到差不多每桌都起碼叫十多件。不過我本人不留都5太鍾意食壽司，所以叫左其他選擇。
我個人比較喜歡熟食料理，串燒，炸物... 等。
串燒方面，雞肉串做得不錯，十分嫰滑，配是日本甜燒汁。雞軟骨香脆爽口，不是死咸，另一好味之選。
炸物方面，炸雞翼亦不俗，香，脆，熱。炸香芋紫心丸口感煙煙韌韌，不太甜。
料理香辣炒蜆值得一讚，頗有大排檔風味，夠火候，香辣惹味。送酒一流。
亦叫了香煎大蝦和西冷牛扒，其實肉質都可以，不過D汁怪怪地。
食滯左最啱叫火鍋滾條菜來清清腸胃，有幾十種火鍋配料選擇。
就算5係樣樣都啱你口味，總有一些合你心意，中，日，西式任君選擇。
此餐廳地方都頗寬敞，又任飲任食，當天去食都見到好多一家大細家庭樂來開餐，由於係主題餐廳，開生日party,成班人聚舊亦可。張貼
