咁啱一個鍾意意大利菜 一個鍾意海鮮😆
經OpenRice訂座仲送左一個頭盤 (HAMACHI)
.
餐廳環境唔錯 職員為我哋安排咗窗邊位置
落單嘅時候 職員都會主動推介一啲較受歡迎嘅菜式
.
🔸TARTARE DI GAMBERI ROSSI $238 🦐🍋
地中海蝦他他、索倫托檸檬、杏仁、撒丁島魚子
好creamy嘅他他配埋杏仁粒
有一個好有趣嘅口感🤪
.
🔸HAMACHI $198 🐠
炭燒油甘魚、酸豆、海葡萄、鯷魚醬、索倫托檸檬
油甘魚炭燒味道突出🔥
酸豆同海葡萄令味道唔會太油 好開胃
🔸TAGLIATELLE ALL'ASTICE $268 🦞🍅🍝
波士頓龍蝦扁意粉、西西里長番茄、羅勒
都幾多龍蝦肉😗 而且啲意粉都好掛汁
.
🔸MA YAU ALLA GRIGLIA $348 🐟🥫
炭烤馬友、紅燈籠椒、特羅佩阿洋蔥、番茄醬
依道菜係職員推介嘅👍🏻
條魚肉質鮮美又多汁 唔會烤到好乾
微焦嘅魚皮配酸酸地嘅蕃茄醬 好快就比我地食曬🤤
最後職員特登送左個甜品比我哋慶祝生日🤣
準備埋意大利文嘅朱古力生日牌同埋蠟燭🎂
仲主動幫我地影相！超級貼心！👏🏻
依到嘅menu都有好多款式嘅海鮮
幾啱鍾意食海鮮嘅朋友嚟試下！🙂↕️
