丸十日本食堂 (已結業)

又到月頭，又係銀行簿增值的時候，我每月都習慣 出糧時必定約埋老友食一餐豐富嘅，當係獎勵自己 整月來的辛勤，有獎賞就會繼續拼搏，我哋今日又嚟食日本菜，喺葵芳有一間唔錯嘅日本餐廳，我哋點咗多款精選菜式。超大size香蔥鮪魚蓉海膽丼，清爽嘅香蔥味，配搭鮪魚蓉，美極鮮甜，鋪著滿滿的鮪魚蓉，閃令令的份量唔少鮮海膽，美味蜜甜，軟軟綿綿，還伴著豐盛嘅海洋氣味，一顆顆珍珠模樣的飯粒，圓嘟嘟爽口柔韌，嚴選食材加認真製作，互相配搭相得益彰。溫泉玉子伴燒歐洲和牛肉，餐廳嚴選歐洲和牛一點都不輸蝕，肉質柔軟綿綿，蜜味香甜，濃郁牛香 滿載口腔，大廚炮製溫泉玉子，非常到家dumdum滑捋捋，整個放在口中蛋香四溢。另一款刺身拼盤，同樣出眾，每一件都閃爍生輝，肉質晶瑩通透，優質食材真係冇得輸。還有一個我至愛燒雞泡魚乾，呢個大廚手藝真係數一數二，真係好滋味，係就係鹹咗啲啲，如果再輕手啲真係極品。