芝加哥串燒酒場

萬聖節到了，今日公司同事齊齊約埋去蘭桂芳慶祝下，同事訂咗芝加哥串燒酒場，是蘭桂芳高級酒吧餐廳,主打海鮮串燒+手工啤酒,香港打卡必到餐廳酒場。餐廳分室內外座位，每晚現場live band表演，歡樂氣氛濃厚。串燒即叫即燒，火侯十足，熟度恰到好處，肉質鮮嫩，香氣撲鼻。香蒜蔥花廣島蠔6隻，生蠔隻隻肥大飽滿，而且絕對新鮮冇腥味，蠔上面鋪滿葱花和炸過的香蒜，令口感和味道都更加豐富。招牌茄子燒，茄子口感軟綿綿，蒜香味濃郁，非常惹味。極品即燒乳豬，第一次見到串燒有乳豬，立即要試吓，乳豬皮燒得好香脆，肉質鮮嫩Juicy。燒蜜椒雞翼串、蜜糖雞翼、鹽燒雞翼，雞翼有多款不同口味，各有特色，全部都係皮脆肉嫩。燒雞翅包肉、燒雞翅包飯，無骨雞翼脹卜卜，入面放滿餡料，雞肉嫩滑和外層脆卜卜嘅雞皮，啖啖都滋味無窮。燒蜜糖叉燒焦香肉嫩好入味。招牌珍寶生蠔串，蠔肉肥美，蠔味香濃，加咗特製醬汁特別惹味！鳳梨燒，香甜多汁。泰式生蝦，肉質爽嫩Q彈，配上泰式醬汁及蒜片，味道更提升。炸饅頭外脆內軟，蘸著煉乳吃令人食不停口。1664啤酒口感清新爽口，濃郁順滑。Brookly IPA擁有濃烈的啤酒花香，味道濃郁！