影片
更多
2021-08-19
68 瀏覽
放工又係一班同事食飯吹水嘅黃金時間，今次有個同事話有間燒烤店係個FD開嘅，叫我地去撐下場，出品幾好，同同事食飯有乜合適得過食燒烤送啤酒。鋪頭有少少隱蔽啦，因爲唔係開正馬路邊，但係都唔算難揾，入面唔算闊落，但都好岩一班人圍埋食串燒，感覺Close D，氣氛都好D，而且燒烤厨房係開放式嘅，完全睇到師傅身水身汗咁不停轉動隻手去燒烤，保證即燒新鮮出爐，唔會話整定翻熱，應該都會幾好食物。野食方面，都係應有盡有啦，有貴嘅平嘅，有海鮮有蔬菜，任君選擇，呢到我認爲整體出品超正，最緊要我覺得係食材都新鮮，唔會話只係用各種調味粉去掩蓋食材本身嘅唔新鮮，相反調味料只是輔助品，更凸顯到食材嘅味道。有幾樣野都幾印象深刻，首先就係燒扇貝，海鮮新鮮就真係唔需要太多調味料，就咁少少蒜蓉就完全提升扇貝嘅鮮甜味道，超級鮮美，又大舊好有滿足感，而且面頭D粉絲索曬扇貝嘅汁水，好鮮甜，簡直係絕配。第二樣就係燒雞軟骨，首先選材就已經優勝，大大粒，夠曬飽滿，唔會好似出面好多雞軟骨咁太瘦太柴，軟骨連少少肉，口感同味道都提升唔少，簡單用少少鹽調味就已經非常好食，又夠脆口香口，送酒一流。第三樣令我印象深刻係燒玉子，燒玉子就響日本餐廳食得
鋪頭有少少隱蔽啦，因爲唔係開正馬路邊，但係都唔算難揾，入面唔算闊落，但都好岩一班人圍埋食串燒，感覺Close D，氣氛都好D，而且燒烤厨房係開放式嘅，完全睇到師傅身水身汗咁不停轉動隻手去燒烤，保證即燒新鮮出爐，唔會話整定翻熱，應該都會幾好食物。
野食方面，都係應有盡有啦，有貴嘅平嘅，有海鮮有蔬菜，任君選擇，呢到我認爲整體出品超正，最緊要我覺得係食材都新鮮，唔會話只係用各種調味粉去掩蓋食材本身嘅唔新鮮，相反調味料只是輔助品，更凸顯到食材嘅味道。
有幾樣野都幾印象深刻，首先就係燒扇貝，海鮮新鮮就真係唔需要太多調味料，就咁少少蒜蓉就完全提升扇貝嘅鮮甜味道，超級鮮美，又大舊好有滿足感，而且面頭D粉絲索曬扇貝嘅汁水，好鮮甜，簡直係絕配。
第二樣就係燒雞軟骨，首先選材就已經優勝，大大粒，夠曬飽滿，唔會好似出面好多雞軟骨咁太瘦太柴，軟骨連少少肉，口感同味道都提升唔少，簡單用少少鹽調味就已經非常好食，又夠脆口香口，送酒一流。
第三樣令我印象深刻係燒玉子，燒玉子就響日本餐廳食得多，但係串燒就第一次，而且質素完全唔輸蝕，蛋香味十足，有陣淡淡清甜味道，而且夠曬滑嫩，又唔太過乾身，我覺得人人都會中意食。
最後就係燒麵筋，呢個都係好少燒黎食，平時食法都係放係湯入面，索曬湯汁去食，但呢次係另一個相反，係燒到好乾，然後撒上辣椒粉，食落又係另一番風味，燒到有少少焦脆少少硬身，好有嚼口，而且面頭D辣椒粉令我食得非常過癮，我自己覺得送埋酒，超級正。
總括而言，呢度嘅燒烤出品我都好滿意，都好注重翻食材本身嘅味道同質素，師傅都好有心機去燒，唔單止食材種類多，燒法都好多變化，令食材以最佳嘅味道比客人品嘗，非常抵讚。
張貼
