喜聚燒 (已結業)

好耐冇食串燒，今日去咗一間小店！一開始先食咗一個鑊仔麻辣雞，餐廳用咗烏雞，個汁好好味，唔算勁辣，好惹味，好好食😋😋😋之後就揀串燒，價錢合理，款式好多😍- 燒芝士三層肉必食推介，雖然好肥仔好邪惡，但豬腩肉同芝士呢個配搭真係唔錯！- 流心鵪鶉蛋都幾特別，脆脆地，加啲孜然粉更加好味～- 芝士響鈴👍🏻👍🏻👍🏻 好鍾意芝士，所以覺得呢個好正，唔係周圍有得食😂- 燒茄子正常發揮，落咗孜然粉，非常唔錯！呢度燈光暗暗哋，都幾適合同朋友食下串燒飲下酒，下次再嚟試吓其他嘢。