影片
更多
2021-07-01
930 瀏覽
今晚串串貢來個串燒OMAKASE啤一啤, 尖沙咀的黑木應該係首間供應串燒OMAKASE的餐廳, 感覺非常新奇, 便和友人來個happy Friday, 飲下嘢, 食下嘢, 家常閒啖, 人生一樂也。黑木以簡單的傳統日本居酒屋格局為主, 除咗吧檯外, 還有數張小枱, 可因應客人人數自由配搭。黑木只有飲料餐牌, 沒有食物餐牌, 話明廚師發板, 即當天由廚師選材製作食物奉客。至於飲品大部分都係日本酒, 生啤及果酒也有。小食~薄脆鱈魚片香脆可口的鱈魚片, 佐酒一流。Stout Suntory $68越飲越有味道的生黑啤, 麥味香得黎苦澀味很輕, 黑啤泡沫細緻, 入口冰涼暢快, 很有味道。OMAKASE ($888/一人前)餐廳只供應一個OMAKASE套餐, 每位$888, 唔知有乜食, 食呢餐飯很有期待的感覺。松葉蟹肉沙律鮮甜爽口的松葉蟹肉夠矜貴, 配清甜的日本白粟米及爽口的火箭菜, 再淋上酸甜的果香醋鰹魚醬汁, 醒胃前菜。雞軟骨雞肉扒雞肉串掃上甜醬燒, 燒得外脆內juicy, 拈些慢煮香滑蛋黃同食, 雞肉更顯香滑。磯煮鮑魚鮑魚有清淡豉香及酒甜, 浸得好滑口, 花心羅白則爽脆但有點蘿蔔的辛辣。
黑木以簡單的傳統日本居酒屋格局為主, 除咗吧檯外, 還有數張小枱, 可因應客人人數自由配搭。
黑木只有飲料餐牌, 沒有食物餐牌, 話明廚師發板, 即當天由廚師選材製作食物奉客。
至於飲品大部分都係日本酒, 生啤及果酒也有。
小食~薄脆鱈魚片
香脆可口的鱈魚片, 佐酒一流。
Stout Suntory $68
越飲越有味道的生黑啤, 麥味香得黎苦澀味很輕, 黑啤泡沫細緻, 入口冰涼暢快, 很有味道。
OMAKASE ($888/一人前)
餐廳只供應一個OMAKASE套餐, 每位$888, 唔知有乜食, 食呢餐飯很有期待的感覺。
松葉蟹肉沙律
鮮甜爽口的松葉蟹肉夠矜貴, 配清甜的日本白粟米及爽口的火箭菜, 再淋上酸甜的果香醋鰹魚醬汁, 醒胃前菜。
雞軟骨雞肉扒
雞肉串掃上甜醬燒, 燒得外脆內juicy, 拈些慢煮香滑蛋黃同食, 雞肉更顯香滑。
磯煮鮑魚
鮑魚有清淡豉香及酒甜, 浸得好滑口, 花心羅白則爽脆但有點蘿蔔的辛辣。
牛舌拖羅
估唔到牛舌界都有拖羅之分
牛舌用醬油浸過才燒得香香的上檯, 呈粉紅色剛剛熟狀態, 口感細嫩juicy, 帶點微爽, 配長白蔥炒麻油, 強勁蔥香, 令牛脷更惹味
冰頭清+味醂鯖魚+蕎頭漬牛蒡
**味醂鯖魚 ~ 收汁煎香, 魚肉结實香甜。
**冰頭漬~ 大家估下呢一片係乜東東? 開估.....三文魚鼻也, 三文魚鼻真刁鑽, 爽脆彈牙, 有醋酸香, 完全唔腥, 好好食。
淮山海雲
海雲表面富有多醣體, 有益健康, 入口滑捋捋的, 跟酸味較重的醬醋汁伴食, 很開胃。
雞皮及雞槌肉串燒
真係唔知幾耐冇食過燒雞皮了, 雞皮燒到出曬啲雞油, 表面燒得焦黃乾身, 又香又脆, 肥一磅都抵! 雞槌肉用上九州雞, 有點似吃緊走地雞feel, 雞味較濃, 雞肉實淨有點咬口, 只係好簡單用鹽調味已經好好食。
芥茉八爪魚青瓜
爽甜美八爪魚粒跟爽脆青瓜, 爽鬥爽中偶然混合了芥末醬汁的攻鼻辣, 醒一醒神, 正抖!
白鰻串燒
白鰻蒸熟後再燒至兩面出油, 而變得金黃油潤, 師父磨了少許柚皮提香, 白鰻油份冇平時食嘅燒鰻魚咁多油同滑口, 換來嘅係嫩口得黎帶點爽口, 簡單配少去鰻魚汁己很鮮美
沖繩黑豚腩肉串燒
黑木以自家蝦膏醬醃沖繩黑豚腩肉, 蝦膏味道比較霸道, 師父很聰明, 只係用小小蝦膏吊味, 半肥瘦腩有陣陣嘅蝦膏咸鮮, 甘香肥美, 配上蔥花更香。
北海道十勝椰子牛肉燒
北海道十勝椰子牛肉賣相十分吸引, 表面燒得焦香, 內裏卻肉色嫩紅, 掃上燒肉汁燒, 甜甜地又香口, 牛肉肉質結實, 但肉汁非常豐富, 牛味濃郁, yummy。
配上蒜溶花心蘿白溶, 香得嚟又有蘿蔔嘅清新, 同樣美味。
昆布鰹魚湯米餅
山芋mixed 鮮昆布, 健康無敵, 入口滑捋捋, 似爽非爽, 似軟非軟, 口感獨特, 那件米餅用大米打成, 富米香, 軟而不糯, 配鰹魚湯食, 豉香滿口。
甜品時間......吸睛
**冧酒焦糖原來用嚟燒菠蘿係咁好食, 燒好的菠蘿又甜又多汁, 還帶點冧酒的酒甜。
**士多啤梨乳酪 ~ 微微的乳酪酸香, 夠滑口, 但唔係好食得出有士多啤梨味
**紅豆蕨餅 ~ 紅豆好正, 大大粒, 又軟又棉, 仲甜甜地, 哪有不好吃, 蕨餅有點似軟糯版綠茶啫喱, 不過個人麻麻地好濃綠茶既味道。
非常滿足的一餐, 謝謝師傅精心炮製的美食及服務員姐姐貼心的款待。
張貼
