一瀧 (已結業)

銅鑼灣地膽帶我左一間日本居酒屋。餐廳主打福岡料理，店內採用古色古香江戶時代為裝潢風格，以木色為主調。抬頭仰望係一大片紅葉🍁🍁，，地方寬敞亦設有榻榻米座位，好多打卡位。空運時令刺身5點盛據知刺身款式日日都唔同，今次我地就食到中拖羅、大拖羅、帶子、劍魚腩同埋炙燒鮪魚。特別喜愛帶子，又新鮮又肥美。炙燒鮪魚口感豐腴細嫰帶魚油香👍🏻。🐽芝士吉列黑豚卷黑豚肉炸得香脆可口，加上芝士點綴，卷物口感豐富。🐔🐔月見免治雞肉棒免治雞肉肉質軟腍但又帶點爽口，沾上原粒日本蛋黃，極之黏滑，同時亦富有蛋香，層次豐富。🐔一瀧唐揚炸三瀨雞外形黑炆炆既唐揚雞食落有驚喜。外皮香脆，肉質嫰滑，再沾上以自家製沙律醬，愈食愈惹味！​🐮宮崎和牛壽喜燒👍🏻👍🏻👍🏻店員介紹呢塊係刺身和牛，除自己喜好輕灼就可以。和牛大塊，油花分布均勻且肉味濃郁，口感軟腍，好似食緊綿花糖咁入口即溶，超高質。鍋中其他配菜， 豆腐、京蔥、菇菌類等，好滿足。🍸Bubble Iced Tea飲品可以揀無酒精，店員使用泡泡煙槍，裝飾飲品，又靚又驚艷。飲品混合桃同蘋果汁帶微微既泡煙燻味，清甜好飲。