吉壽日本料理 (已結業)

果日同一班朋友黎到旺角吉壽依間餐廳食放題。好彩我地有預早訂位，因為一黎到就見到大堂有唔少人等緊位。我地唔洗等就入得去，仲被安排坐「卡位」，真係好！ 但係見隔離啲情侶坐到咁逼，都替佢地感到唔舒服因為空間唔係太大，但枱就好多好密。之後我地坐低，就即刻剔紙叫野食。放題有幾張唔同色嘅紙俾我地剔，分別有炸物、刺身、熟食等等。普遍人都會分開幾輪咁食，所以一開始每道菜剔五至十客就ok！因為選擇好多，樣樣黎少少就成枱都係！所有刺身都佈滿雪，好似未解哂凍咁，搞到有雪味，真係有啲可惜！不過等一陣食 食落去都ok嘅，一盆咁黎賣相好靚，刺身亦有光澤。之後都掛住食冇影到相，不過最為深刻都有幾樣食物！忌廉煮硯 : 忌廉味濃郁、香噴噴！硯好似細隻咗啲，亦被忌廉汁搶咗鮮味！羊鞍 : 一般般，老咗少少。燒牛柳 : 幾juicy，唔會太乾，但肉質一般。芝士魚餅 : 好特別！第一次食，外脆內軟，好香口。但芝士味偏重所以有啲漏，食一舊就足夠！燒海蝦 : 用竹籤吉住，剝隻蝦果時唔會周圍走。蝦好鮮甜，唔錯！有汽水同雪糕供應，正！！總括黎講店舖食物質素一般，環境好嘈吵，星期日價錢更較為貴，每人$2xx。冇平日咁抵食，其他地方都唔洗