京滬佳餚 (Fashion Walk) (已結業)

銅鑼灣fashion walk出名美食匯集，不過主要係西餐多，其中有間中菜京滬佳餚就顯得好突出，一於試試。餐廳雖然提供中菜，但用左中西合壁的設計，簡單中式的圓枱餐桌，再配合具西式文化的酒吧，兩者二合為一，唔會衝突，仲好形格。🔹黃金鴨件伴魚子醬🔹到到都講Fusion, 連食烤鴨都可以Fusion 喎！鬆咬落去格滋格滋的鴨皮配上鮮嫩的魚子醬，再加上山楂片、青瓜片同薯片，口感具層次之餘，唔膩又玩味十足。🔹松鼠黃魚🔹松子魚個頭不大，適合二至三人左右。黃魚既肉質嫩滑，外層經過油炸後非想酥脆，可以做到外脆內軟，再淋上甜酸汁，簡直係白飯小偷。🔹乾燒海龍王🔹海龍王即大蝦，鮮甜既大蝦肉質超彈牙，配上惹味既辣蕃茄汁，令人欲罷不能，好想再encore。🔹擔擔麵🔹麵質彈牙，加上濃厚既花生味同辣醬湯底，係我食過數一數二既擔擔麵。