影片
更多
2018-12-01
70 瀏覽
有睇過我之前食評嘅朋友仔都知道我最鍾意搵d養生又養心嘅食療。一路都以為新興火鍋都係麻辣野為主嫁啦。但養心殿愈開愈多，我終於趁朋友生日去一探究竟。夜晚食7點幾，呢d時間一定要book位。所以我係有book位嘅。去到就直入坐底。坐係一張無pan嘅長椅，要有d依靠靠牆坐就可以喇。講返個鍋，佢有麻辣鍋同養生養心鍋。我地就試左養生養心各半。養心個邊係有半隻烏雞有魚雲; 養生個邊有蔘。有蔘個邊蔘味都幾重，我就好鍾意喇。雖然個鍋無水會加相應嘅湯，但若想飲返中藥湯個味，我就建議大家飲碗頭啖湯，試真d個中藥湯嘅原汁原味喇。正好多嫁！野食方面，火鍋不可少嘅係牛肉同丸。所以我地都點左份小嘅牛脊肉。睇圖都見得到，d肉嘅紋好靚嫁。食落去肉質亦唔錯，肉味濃d就perfect 喇。不過以佢200幾300蚊一碟黎講，又係幾抵食。丸方面，我覺得比較個人。因為佢嘅丸除左一般蝦同墨魚丸外，中間都加左料。我朋友就麻麻。所以，如果想食清d，可以點”滑”。當然，食火鍋點可以無響鈴！佢佢響鈴不得之了！係好好食。繼我係屯門食過雞煲之後，難得好食嘅脆爆響鈴。而且，我叫多左佢地嘅自家餃，同丸一樣，未食過可以試下一碟多款嘅選擇，但如果兩個
夜晚食7點幾，呢d時間一定要book位。所以我係有book位嘅。去到就直入坐底。坐係一張無pan嘅長椅，要有d依靠靠牆坐就可以喇。
講返個鍋，佢有麻辣鍋同養生養心鍋。我地就試左養生養心各半。養心個邊係有半隻烏雞有魚雲; 養生個邊有蔘。有蔘個邊蔘味都幾重，我就好鍾意喇。雖然個鍋無水會加相應嘅湯，但若想飲返中藥湯個味，我就建議大家飲碗頭啖湯，試真d個中藥湯嘅原汁原味喇。正好多嫁！
野食方面，火鍋不可少嘅係牛肉同丸。所以我地都點左份小嘅牛脊肉。睇圖都見得到，d肉嘅紋好靚嫁。食落去肉質亦唔錯，肉味濃d就perfect 喇。不過以佢200幾300蚊一碟黎講，又係幾抵食。丸方面，我覺得比較個人。因為佢嘅丸除左一般蝦同墨魚丸外，中間都加左料。我朋友就麻麻。所以，如果想食清d，可以點”滑”。
當然，食火鍋點可以無響鈴！佢佢響鈴不得之了！係好好食。繼我係屯門食過雞煲之後，難得好食嘅脆爆響鈴。而且，我叫多左佢地嘅自家餃，同丸一樣，未食過可以試下一碟多款嘅選擇，但如果兩個人食，未免太多喇，食散叫細碟就好。
總結，返食指數我俾:4粒星 (5粒最高)。是晚食左900幾蚊，但出街打邊爐好難平嫁喇，要平就不如係屋企打。最重要係貴得黎有質素就可以喇。所以如果下次想食中藥火鍋我都會再去幫襯，飲返啖湯。
張貼
