影片
更多
2018-09-24
55 瀏覽
今年嘅中秋節，提早同四大長老做節， 正日得返我哋一家人， 選擇休休閒咁逛旺角， 貪今日正日個個做節唔使逼。行到去旺角兆萬中心， 已經不停咁有人派傳單， 我哋咁得閒梗係慢慢揀。喺兆萬3樓見到有間任食中日火鍋放題，呢度同時滿足到大人同小朋友嘅願望，我地就拿拿聲入去坐低。呢間放題地方超級寬敞，成層都係佢。 而且有大量卡位任君選擇， 我哋四個人就選擇咗窗邊嘅卡位。四個人四種口味， 老公鍾意重慶麻辣湯、 我就鍾意豆乳海鮮湯、 大豆丁揀冬瓜揀排骨湯、 小豆丁就揀豬骨湯， 最驚喜係送上嚟嘅時候見到隻小狗造型冰塊， 原來係豆乳海鮮湯嘅湯底…… 大人细路見到都happy, 一定記得呢間舖頭。中秋食豪啲， 升級叫海鮮， 淨係睇排場都羸， 絕對唔係求求其其， 有珍寶大蝦、 東風螺、蜆、青口、象拔蚌……牛肉都有唔同嘅選擇， 有美國牛小排、特選美國牛肉、 美國肥牛…… 啱曬牛魔王爸爸， 我就怕毒， 叫左羊肉同豚肉， 只係叫一份 ，估唔到分量有咁多，食完呢啲都食唔到其他嘢 好彩大胃王爸爸話easy job, 我先夠膽叫其他嘢食。我好欣賞呢度嘅壽司係即叫即整， 紫菜唔會林曬， 水準比我想像嘅高。燒物選擇都好多,但係
行到去旺角兆萬中心， 已經不停咁有人派傳單， 我哋咁得閒梗係慢慢揀。
喺兆萬3樓見到有間任食中日火鍋放題，呢度同時滿足到大人同小朋友嘅願望，我地就拿拿聲入去坐低。
呢間放題地方超級寬敞，成層都係佢。 而且有大量卡位任君選擇， 我哋四個人就選擇咗窗邊嘅卡位。
四個人四種口味， 老公鍾意重慶麻辣湯、 我就鍾意豆乳海鮮湯、 大豆丁揀冬瓜揀排骨湯、 小豆丁就揀豬骨湯， 最驚喜係送上嚟嘅時候見到隻小狗造型冰塊， 原來係豆乳海鮮湯嘅湯底…… 大人细路見到都happy, 一定記得呢間舖頭。
中秋食豪啲， 升級叫海鮮， 淨係睇排場都羸， 絕對唔係求求其其， 有珍寶大蝦、 東風螺、蜆、青口、象拔蚌……
牛肉都有唔同嘅選擇， 有美國牛小排、特選美國牛肉、 美國肥牛…… 啱曬牛魔王爸爸， 我就怕毒， 叫左羊肉同豚肉， 只係叫一份 ，估唔到分量有咁多，食完呢啲都食唔到其他嘢 好彩大胃王爸爸話easy job, 我先夠膽叫其他嘢食。
我好欣賞呢度嘅壽司係即叫即整， 紫菜唔會林曬， 水準比我想像嘅高。
燒物選擇都好多,但係我一早叫咗太多鍋食物， 又要留肚食甜品，所以試唔曬。
你睇下啲嘢飲選擇，多到我出現嚴重嘅選擇困難症……
最特別就係呢個雪糕櫃， 竟然有街買唔到嘅芝麻味同紅豆味…… 同埋我嘅童年回憶牛奶樂雪條， 唔使講我三款都食曬。
炸物同埋以上嘅火鍋配料我都未試過， 呢度嘅選擇實在太多， 簡直花多眼亂， 下次我要留肚， 食齊咁多樣款式。
張貼
